ԵՐԵՎԱՆ, 18 ապրիլի. /Նովոստի–Արմենիա/. Հայաստանի գործող նախագահ Սերժ Սարգսյանի և հանրապետության առաջին նախագահ Լևոն Տեր–Պետրոսյանի հանդիպումը հարկ է ընկալել որպես երկրում քաղաքական նոր մշակույթի ձևավորում, երկուշաբթի մամուլի ասուլիսում ասաց Հայաստանի հանրապետական կուսակցության պատգամավոր Մկրտիչ Մինասյանը։
Սարգսյանի հետ Տեր–Պետրոսյանի հանդիպումը կայացել է
ապրիլի 9–ին` պետության նախկին ղեկավարի նախաձեռնությամբ։
Ինչպես կարծում է Մինասյանը, Հայաստանի գործող և առաջին նախագահների հանդիպումը բացառիկ երևույթ է, որը դրական քաղաքական գնահատականի է արժանի։
Հայաստանի առաջին նախագահը պատմել է, թե ինչու որոշեց Սարգսյանի հետ քննարկել ղարաբաղյան խնդիրը>>
«Հայրենիքը ոչ Հայաստանի առաջին նախագահին է պատկանում, ոչ երրորդին, ոչ էլ ուրիշ մեկի։ Հայրենիքը բոլորինն է»,– ասաց նա, ավելացնելով, որ նմանատիպ հանդիպումներ պետք է կայանան ոչ միայն ազգային անվտանգության սպառնալիքների սրման ժամանակ, այլ նաև խաղաղ օրերին։
Ապրիլի 2–ից 5–ն ադրբեջանական ԶՈՒ–ն ղարաբաղաադրբեջանական շփման գծի հարավային, հարավարևելյան և հյուսիսարևելյան ուղղություններով ձեռնարկել է բացահայտ հարձակողական գործողություններ` հրետանիով, զրահապատտրանսպորտայինմիջոցներով և ավիացիայով: ԼՂՀ պաշտպանության բանակը հաջողությամբ ճնշել է հակառակորդի գործողությունները` հասցնելով մեծ վնասներ։-0-
