ԵՐԵՎԱՆ, 17 հունիսի. /Նովոստի-Արմենիա/. Արտաքին հարաբերությունների մշտական խորհրդարանական հանձնաժողովի ղեկավար Ռուբեն Ռուբինյանն իր Facebook–ում գրել է, որ Հայաստանում Ռուսաստանի արտակարգ և լիազոր դեսպան Սերգեյ Կոպիրկինը կանչվել է Հայաստանի արտաքին գործերի նախարարություն։
Հայաստանի երկրորդ նախագահի գրասենյակում հունիսի 13–ին կայացել է նախկին նախագահ Ռոբերտ Քոչարյանի տետ ա տետ հանդիպումը Կոպիրկինի հետ։ Երկուշաբթի խորհրդարանական հանձնաժողովի նիստում Հայաստանի փոխարտգործնախարար Գրիգոր Հովհաննիսյանն ասել է, որ Հայաստանի ԱԳՆ–ն Ռուսաստանի դեսպանի նկատմամբ Քոչարյանի հետ հանդիպելու համար որևէ պահանջ չունի։
Загружается новость ...
"Право"
«Այսօր ԱԺ Արտաքին հարաբերությունների հանձնաժողովի նիստից հետո, որի շրջանակներում քննարկվել էր նաև ՌԴ դեսպանի և Ռոբերտ Քոչարյանի միջև տեղի ունեցած հանդիպումը, խոսել եմ արտաքին գործերի նախարար Զոհրաբ Մնացականյանի հետ։ Նախարարն ինձ տեղեկացրեց, որ իրականում ՌԴ դեսպանն այս առնչությամբ անցած ուրբաթ հրավիրվել է ԱԳՆ, որտեղ դեսպանի հետ տեղի է ունեցել զրույց՝ ՀՀ ներքին գործերին չմիջամտելու համատեքստում»,– գրել է Ռուբինյանը։
Նրա խոսքով, փոխնախարար Գրիգոր Հովհաննիսյանն այս մասին հանձնաժողովի նիստի ընթացքում չէր ասել, որովհետև այդ պահին չուներ տեղեկությունը հրապարակայնացնելու թույլտվություն։
Ինքը` Ռուբինյանը, տվյալ հանդիպումը տարօրինակ է որակել և ընդգծել է, որ չի ողջունում նմանատիպ նախաձեռնությունները։
Նախօրեին ԱԺ նախագահ Արարատ Միրզոյանը նույնպես հայտնել է, որ ողջունելի չի համարում այսպիսի հանդիպումները։ Նա միաժամանակ նշել է, որ եթե չլինեին Քոչարյանի նկատմամբ մեղադրանքները, ապա խնդիր չէր տեսնի և կողջուներ ցանկացած դեսպանի շփումները նախկին նախագահի հետ։ -0-