Օհանյանը հնարավոր է համարում ԼՂՀ–ի` ադրբեջանցիների զբաղեցրած 800 հա տարածքի շուրջ բանակցությունները

ԵՐԵՎԱՆ, 23 մայիսի. /Նովոստի–Արմենիա/. Հայաստանի պաշտպանության նախարար Սեյրան Օհանյանը հայտարարել է ապրիլյան իրադարձությունների ժամանակ Լեռնային Ղարաբաղի տարածքի զբաղեցրած 800 հեկտարի շուրջ բանակցությունների հնարավորության մասին։

«Տվյալ տարածքներն ամրագրված են Լեռնային Ղարաբաղի Հանրապետության սահմաններում և, կարծում եմ, որ բանակցությունների առարկա կդառնան»,– երկուշաբթի լրագրողներին ասաց Օհանյանը։

Նախարարն ավելացրեց, որ ներկայում Լեռնային Ղարաբաղի տարածքում իրավիճակը հանդարտ է։

Ապրիլի 2–ից 5–ն ադրբեջանական ԶՈՒ–ն ղարաբաղա–ադրբեջանական շփման գծի հարավային, հարավարևելյան և հյուսիսարևելյան ուղղություններով ձեռնարկել է բացահայտ հարձակվողական գործողություններ` հրետանիով, զրահապատ տրանսպորտային միջոցներով և ավիացիայով: ԼՂՀ պաշտպանության բանակը հաջողությամբ ճնշել է հակառակորդի գործողությունները` հասցնելով մեծ վնասներ։ -0-