Նիկոլ Փաշինյանը և նրա կողմնակիցները պատրաստվում են շրջապատել ՀՀԿ երևանյան գրասենյակը

ԵՐԵՎԱՆ, 13 ապրիլի. /Նովոստի–Արմենիա/. «Ելք» ընդդիմադիր խմբակցության ղեկավար Նիկոլ Փաշինյանը հայտարարեց, որ իր կողմնակիցների հետ շաբաթ օրը մտադիր է շրջապատել Հայաստանի հանրապետական կուսակցության գրասենյակը:

Շաբաթ օրը գրասենյակում ՀՀԿ-ն պաշտոնապես կառաջադրի Հայաստանի վարչապետի պաշտոնի թեկնածությունը:

«Մենք կփակենք Ֆրանսիայի հրապարակից մինչև Փակ շուկայի տարածքի երթևեկությունը: Մեր նպատակը մեկն է` քաղաքի կենտրոնը պետք է կաթվածահար լինի»,- ասաց Փաշինյանը:


Մարտի 31-ից «Ելք» ընդդիմադիր խմբակցության ղեկավար, «Քաղաքացիական պայմանագիր» կուսակցության նախագահ Նիկոլ Փաշինյանը սկսել է բողոքի ակցիա Սերժ Սարգսյանին վարչապետի պաշտոնում հնարավոր նշանակման դեմ: Փաշինյանը սկսել է երթը Գյումրուց ու մինչև ապրիլի 13-ը մտադիր է անցնել Սպիտակ, Դիլիջան, Սևան ու Հրազդան քաղաքներով` կոչ անելով քաղաքացիներին ակտիվ մասնակցել քաղաքական գործընթացներին: Ապրիլի 13–ի երեկոյանից Փաշինյանն իր կողմնակիցների հետ նախատեսում է սկսել շուրջօրյա հանրահավաք Ազատության հրապարակում։ -0-