ԵՐԵՎԱՆ, 8 փետրվարի. /Նովոստի–Արմենիա/. Նախկին պատգամավոր, գեներալ Մանվել Գրիգորյանը հոսպիտալացվել է «Նաիրի» բժշկական կենտրոն, «Նովոստի–Արմենիա» գործակալությանը հայտնեց ԲԿ–ի փոխտնօրեն Նոննա Մարտիրոսյանը։
Հայկական լրատվամիջոցներն ուրբաթ տեղեկություն են տարածել, թե Մանվել Գրիգորյանը հրատապ հոսպիտալացվել է ծայրահեղ ծանր վիճակում։
«Մանվել Գրիգորյանն իսկապես հոսպիտալացվել է և այս պահին բուժզննում է անցնում»,– ասաց Մարտիրոսյանը։
Նա միաժամանակ ընդգծեց, որ բուժկենտրոնը կոմպետենտ չէ այլ տեղեկություն հաղորդել նրա առողջության վերաբերյալ։
Загружается новость ...
"Право"
«Մենք բժշկական հաստատություն ենք։ Ցանկացած հիվանդ մեզ համար պացիենտ է, և այլ տեղեկություն մենք չենք տրամադրում»,– պարզաբանել է փոխտնօրենը։
Հունիսի 16–ին ԱԱԾ մամուլի ծառայությունը հայտարարություն տարածեց` նշելով, որ ԱԺ պատգամավոր, գեներալ Մանվել Գրիգորյանը ձերբակալվել է ՀՀ քրեական օրենսգրքի 235-րդ հոդվածի 2-րդ մասով («Մի խումբ անձանց կողմից նախնական համաձայնությամբ հրազեն և ռազմամթերք ապօրինի կերպով ձեռք բերելը և պահելը») նախատեսված հանցագործություն կատարելու կասկածանքով: Հունիսի 18–ին ԱԱԾ–ն հրապարակեց սենսացիոն կադրեր Մանվել Գրիգորյանի ձերբակալությունից։ Տեսանյութում երևում է, որ Մանվել Գրիգորյանի հանգստյան գոտին վերածվել էր զինապահեստի, ռետրո և ժամանակակից ավտոմեքենաների ավտոպարկի: Ակնալճի ամառանոցը գեներալի համար ծառայել է որպես «զինվորի բաժին» նշագրումով սննդի, հիգիենիկ պարագաների, դեղորայքի, զինվորական հանդերձանքի պահեստարան:
Մանվել Գրիգորյանը դեկտեմբերի 21-ին Երևանի ընդհանուր իրավասության դատարանի որոշմամբ25 միլիոն դրամ գրավի դիմաց ազատ էր արձակվել։ Գլխավոր դատախազությունը բողոքարկել էր այդ որոշումը։ Հունվարի 22–ին Գրիգորյանը կրկին տեղափոխվեց կալանավայր։ Նման որոշում էր կայացրել ՀՀ Վերաքննիչ քրեական դատարանը` բավարարելով Գլխավոր դատախազության ներկայացրած վերաքննիչ բողոքը։ -0-