«Լուսավոր Հայաստանն» ընտրեց ղեկավարին, քարտուղարին և առաջադրեց փոխխոսնակի թեկնածուին

ԵՐԵՎԱՆ, 10 հունվարի./Նովոստի–Արմենիա/. «Լուսավոր Հայաստան» խմբակցությունը հինգշաբթի մանդատ ստանալուց հետո անցկացրեց առաջին նիստը։ Այդ մասին հայտնում է «Լուսավոր Հայաստան» կուսակցության մամուլի ծառայությունը։

Նիստի ընթացքում ընդունվել է խմբակցության կանոնադրությունը, որը սահմանում է խմբակցության աշխատանքի ընդհանուր սկզբունքները, պատգամավորների, օգնականների և փորձագետների իրավունքներն ու պարտավորությունները։

Խմբակցությունն Էդմոն Մարուքյանին միաձայն ընտրեց որպես ղեկավար, իսկ Գևորգ Գորգիսյանին` քարտուղար։ Մանե Թանդիլյանի թեկնածությունն առաջադրվել է խորհրդարանի փոխխոսնակի պաշտոնում։ -0-