Ջերմ, բայց անձրևոտ եղանակ կլինի Հայաստանում

ԵՐԵՎԱՆ, 26 ապրիլի. /Նովոստի–Արմենիա/. Հայաստանի մարզերի մեծ մասում և Երևանում ապրիլի 27-28-ը, մայիսի 1-ին սպասվում է առանց տեղումների եղանակ, հայտնում է ԱԻՆ մամուլի ծառայությունը։

Միաժամանակ, հաջորդ երկու օրերին` ապրիլի 29-30-ին կեսօրից հետո թե մայրաքաղաքում, թե շրջանների մեծ մասում սպասվում է անձրև և ամպրոպ, առանձին վայրերում հնարավոր է կարկուտ:

Քամին կլիինի հարավ-արևմտյան՝ 3-8 մ/վ, ամպրոպի ժամանակ սպասվում է քամու ուժգնացում՝ 15-20 մ/վ:

Հաղորդման մեջ նշվում է նաև, որ օդի ջերմաստիճանն ապրիլի 27-ից մայիսի 1-ն աստիճանաբար կբարձրանա 6-8 աստիճանով: -0-