Հրապարակվել են Հայաստանի ամենափոշոտ քաղաքների անունները (ԻՆՖՈԳՐԱՖԻԿԱ)

ԵՐԵՎԱՆ, 13 մարտի. /Նովոստի Արմենիա/. Հայաստանի ազգային վիճակագրական ծառայությունը հրապարակել է 2017 թվականին հանրապետությունում շրջակա միջավայրի աղտոտվածության մոնիթորինգի արդյունքները։ Վիճակագրական ծառայությանը տեղեկությունը տրամադրել է Հայաստանի բնապահպանության նախարարությունը։

Հայաստանի ամենափոշոտ քաղաքը Գյումրին է։ Փոշոտվածության ցուցանիշն այս քաղաքում թույլատրելի նորմերը գերազանցում է 2.2. անգամ։ Միաժամանակ, ծծմբի երկօքսիդի և ազոտի երկօքսիդի պարունակությունը Գյումրիում նորմայի սահմաններում են։


«Փոշոտ» վարկանիշի երկրորդ տեղում Կոտայքի մարզի Հրազդան քաղաքը, որտեղ փոշու պարունակությունն օդում նորմը գերազանցում է 1.8 անգամ։ Ալավերդիում այդ ցուցանիշը նորմայից ավելի է 1.7 անգամ։

Բացի այդ, Ալավերդում արձանագրվել է օդում ծծմբի երկօքսիդի բարձր պարունակություն` գերազանցում է 2.3 անգամ։ Արարատում օդում փոշու պարունակությունը նորմայից ավելի է 1.2 անգամ։ Լոռու մարզի կենտրոնում` Վանաձորում, արձանագրվել է ծծմբի երկօքսիդի` 1.6 անգամ բարձր պարունակություն։

Երևանում և Հայաստանի մյուս քաղաքներում օդում փոշու և մյուս նյութերի պարունակությունը նորմայի սահմաններում են։ -0-