Հայտնի է ԲՀԿ–ի պատգամավորների ցանկը նոր խորհրդարանում

ԵՐԵՎԱՆ, 28 ապրիլի. /Նովոստի–Արմենիա/. ԲՀԿ-ում արդեն հայտնի է պատգամավորների ցանկը, որ մտնելու է ԱԺ, գրում է «Հրապարակ» թերթը։

Ինչպես նշվում է հրապարակման մեջ, խմբակցության քարտուղար է լինելու Վահե էնֆիաջյանը:

Խորհրդարանում ներկայացված կլինեն ցուցակի կանայք, քանի որ նրանց տեղաշարժելը գենդերային օրենքի խախտում կնշանակի, նշվում է գրառման մեջ։

«Մյուս հաստատուն խումբն «ընտանիքի» ներկայացուցիչներն են՝ Արգամը և Դավիթը: Ի դեպ, Արգամ Աբրահամյանը չորրորդ ռեյտինգային ցուցանիշն ապահոված թեկնածուն է (մոտ 34 հազար ձայն), մյուս փեսան՝ Անդրանիկ Մանուկյանի որդի Դավիթը նույնպես Ֆլեշի փեսայի՝ Սամվել Սանամյանի հետ պայքարում լավ ցուցանիշ է ապահովել (մոտ 21 հազար)»,– գրում է պարբերականը։

Հաջորդ քննարկվող թեման նաև Վարդանիկ Ղուկասյանն է, ով, ըստ ամենայնի, կմտնի ԱԺ: -0-