Հայաստանը գլխավոր հյուպատոսություն կբացի Դուբայում

ԵՐԵՎԱՆ, 12 հունվարի. /Նովոստի–Արմենիա/. Հայաստանը Դուբայում (Արաբական Միավորված Էմիրություններ) հյուպատոսություն կբացի, հինգշաբթի ՀՀ կառավարության նիստի ժամանակ ասաց արտաքին գործերի նախարար Էդվարդ Նաբանդյանը` ներկայացնելով որոշման նախագիծը:

Ինչպես նշեց նախարարը, Դուբայում հյուպատոսություն բացելու որոշումը կայացվել է ՀՀ նախագահի համապատասխան հրահանգի հիման վրա:

Կառավարության որոշման համաձայն, Հյուպատոսության ստեղծման անհրաժեշտությունը բացատրվում է Հայաստանի և Պարսից Ծոցի երկրների միջև հարաբերությունների ամենամյա առաջընթացով և զարգացմամբ: Ընդ որում, մինչ դիվանագիտական հարաբերությունների կարգավորումը, արդեն իսկ սկսել են զարգանալ որոշակի առևտրա-տնտեսական կապեր, մասնավորապես, Դուբայի միջոցով:

Ինչպես նշվում է որոշման հիմնավորման մեջ, ԱՄԷ-ում, մասնավորապես Դուբայում, բնակվում է 2,5-3 հազար ՀՀ քաղաքացի: Հյուպատոսության ստեղծումը թույլ կտա բացի ուղիղ հյուպատոսական հարցերից իրականացնել նաև առևտրատնտեսական և ներդրումային նախագծեր: -0-