ՈՒՇԱԴՐՈՒԹՅՈՒՆ. Երևանում սպասվում է +41 աստիճան տաքություն

ԵՐԵՎԱՆ, 6 օգոստոսի. /Նովոստի-Արմենիա/. Օգոստոսի 6-10-ը հանրապետությունում սպասվում է բարձր ջերմային ֆոն և բարձր կարգի հրդեհավտանգ իրավիճակ:

Ինչպես հայտնում է Հայպետհիդրոմետը, Երևանում, Արարատյան դաշտում և Սյունիքի հովիտներում այդ օրերին ցերեկը կանխատեսվում է +39...+41 աստիճան տաքություն:


Օդի միջին օրական ջերմաստիճանն այդ օրերին բարձր կլինի նորմայից 5-6 աստիճանով: Օդի ջերմաստիճանն օգոստոսի 6-8-ն աստիճանաբար կբարձրանա 1-2 աստիճանով:

Հանրապետության ողջ տարածքում սպասվում է առանց տեղումների եղանակ: ԱԻՆ Հիդրոմետ ծառայության օդերևութաբանության կենտրոնի պետ Գագիկ Սուրենյանի` Facebook-ում արած գրառման համաձայն, 10 տոկոսով նվազել է օդի հարաբերական խոնավությունը, ուստի խորհուրդ է տրվում մեծ քանակությամբ ոչ շատ սառը ջուր խմել` օրգանիզմի ջրազրկումից խուսափելու համար:

Քամին հարավ-արևմտյան` 3-8 մ/վ արագությամբ: -0-