Երևանին ջրհեղեղներ և սողանքներ են սպասվում. հիդրոմետեորոլոգ

ԵՐԵՎԱՆ, 2 մարտի. /Նովոստի–Արմենիա/. Երևանը կարող է հայտնվել ջրհեղեղների և սողանքների վտանգի առջև, եթե մայրաքաղաքում օդի ջերմաստիճանը կտրուկ բարձրանա 8-10 աստիճանով, Երևանի պետական համալսարանի ֆիզիկական աշխարհագրության և հիդրոմետեորոլոգիայի ամբիոնի ղեկավար Տրահել Վարդանյանը։

Ըստ նրա, դա կարող է տեղի ունենալ մարտից մայիս ընկած ժամանակահատվածում երեք ուղեկցող պայմանների համընկման դեպքում` ձյան մեծ կուտակում, ջերմաստիճանի կտրուկ բարձրացում 8-10 աստիճանով և սելավային անձրևներ։

«Նշված պայմաններից Երևանում արդեն կա ձյունը, իսկ մյուսներն առայժմ վաղ է կանխատեսել, բայց հավանականությունը կա, քանի որ կլիմայի գլոբալ փոփոխության պատճառով այսօր ամբողջ աշխարհում, և մասնավորապես, Հայաստանում, էքստրեմալ երևույթներ ավելի հաճախ են դիտվում, և այդ փոփոխությունները կարող են շատ կտրուկ և անկանկանխատեսելի լինել»,– պարզաբանեց Վարդանյանը, ավելացնելով, որ կլիմայական փոփոխությունները ցանկացած կանխատեսում դժվարացնում է։

Թեև փորձագետն իրադարձությունների այսպիսի զարգացումը քիչ հավանական է համարում, բայց ամբողջովին չի բացառում։

Այդ կապակցությամբ հիդրոմետեորոլոգը հայտնեց Երևանի ջրաքաշման համակարգերի մաքրման նախապատրաստական աշխատանքների և անցանելիության հնարավորությունների ընդլայնման անհրաժեշտության մասին։ Նրա խոսքով, քաղաքում ձնհալից հետո կարող են հեղեղվել առնվազն փողոցների երթևեկելի մասերը։

Հայհիդրոմետկենտրոնի կանխատեսումներով, մարտի 3-5–ը հանրապետության մեծ մասում և Երևանում սպասվում է թույլ ձյուն, Արարատյան դաշտավայրում` մառախուղ։ Օդի ջերմաստիճանը, բացառությամբ Արարատյան դաշտի, մարտի 3–ի լույս գիշերը կբարձրանա 4-5 աստիճանով, իսկ ցերեկը կնազի 2-3 աստիճանով։ -0-