Չորեքշաբթի` մայիսի 18–ի առավել ուշագրավ նորությունները
19.05.2016,
08:00
«Նովոստի–Արմենիա» գործակալությունը ներկայացնում է չորեքշաբթի` մայիսի 18–ի առավել ուշագրավ նորությունների սեփական տարբերակը։
ԵՐԵՎԱՆ, 19 մայիսի. /Նովոստի-Արմենիա/. «Նովոստի–Արմենիա» գործակալությունը ներկայացնում է չորեքշաբթի` մայիսի 18–ի առավել ուշագրավ նորությունների սեփական տարբերակը։
- Ժամը 00:30-ի սահմաններում Գյումրի քաղաքի Պարույր Սևակ փողոցի բնակիչ, 26-ամյա Կառլեն Ղազարյանն իր վարած Opel Astra մակնիշի ավտոմեքենայով Պուշկինյան լեռնանցքի 1-ին ոլորանում դուրս է եկել ճանապարհի երթևեկելի գոտուց և գլորվել ձորը:
- Նախօրեին լուրեր տարածվեցին, որ միջին տարիքի մի կին Հանրապետության հրապարակի շատրվանների մեջ է մտել ու դուրս չի գալիս։ Ավելի ուշ պարզվեց, որ այդ անձը «Մարդու իրավունքների և ժողովրդավարության ինստիտուտ» (ՄԻԺԻ) ՀԿ հիմնադիր, քաղաքագետ, իրավաբան Արմինե Առաքելյանն է։
- ՀՀ–ում ԱՄՆ արտակարգ և լիազոր դեսպան Ռիչարդ Միլզը դրական է գնահատել Հայաստանի և Ադրբեջանի նախագահների հանդիպումը Վիեննայում և կարևորել է «հետագա քննարկումների համար հունիսին հանդիպելու պարտավորությունը»։
- Առաջիկայում կներկայացվի հաշվետվություն, որում ներառված կլինեն Հայաստանի բոլոր մենաշնորհները, չորեքշաբթի լրագրողներին ասաց ՀՀ էկոնոմիկայի նախարար Արծվիկ Մինասյանը։
- Ողբերգական ավտովթար է տեղի ունեցել Լոռու մարզում չորեքշաբթի` մայիսի 18-ին։ ժամը 15:30-ի սահմաններում Mercedes Sprinter մակնիշի ավտոմեքենայի վարորդը Տաշիր-Մեծավան ավտոճանապարհի 3-րդ կմ հատվածում դեռևս անհայտ պայմաններում դուրս է եկել հանդիպակաց գոտի, արմատախիլ արել մի քանի ծառեր և կողաշրջվել։
- Չորեքշաբթի Արմավիրի մարզում տեղացած կարկուտը, նախնական տվյալներով, լուրջ վնասներ չի հասցրել, «Նովոստի–Արմենիա» գործակալությանն ասաց ԱԻՆ տեղեկատվության և հասարակայնության հետ կապի պետի տեղակալ Նանա Գնդոյանը։-0-
Պատճենել հղումը
