Այսօրվանից կգործի կաթնամթերքի վաճառքի նոր կարգ
27.04.2025,
12:47
Ապրիլի 27–ից կգործի կաթնամթերքի վաճառքի նոր կարգ
ԵՐԵՎԱՆ, 27 ապրիլի․/Նովոստի–Արմենիա/․ 2025 թվականի ապրիլի 27-ից ուժի մեջ է մտել «Առևտրի և ծառայությունների մասին» օրենքում կատարված փոփոխությունը, որը սահմանում է կաթնամթերքի վաճառքի նոր կարգ, հայտնում է ՀՀ էկոնոմիկայի նախարարությունը։
Այսուհետ՝
- Կանաչ դարակաշարերում տեղադրվելու է կաթնամթերք՝ առանց կաթնային յուղի (կաթնային ճարպի) փոխարինիչի
- Նարնջագույն դարակաշարերում՝ կաթնամթերք, որը պարունակում է կաթնային յուղի (կաթնային ճարպի) փոխարինիչ
Դարակաշարերի վրա նշումները պարտադիր կլինեն՝ «Առանց կաթնային յուղի փոխարինիչի» և «Պարունակում է կաթնային յուղի փոխարինիչ» անվանումով տեղեկատվական պիտակներով։
Նախարարությունը կոչ է անում քաղաքացիներին կաթնամթերք գնելիս ուշադրություն դարձնել դարակաշարերի գույներին։
«Տնտեսվարողների համար, որոնք չեն ապահովի կաթնամթերքի պատշաճ տեղադրումն ըստ սահմանված կարգի, սահմանված է վարչական տույժ», – նշել են գերատեսչությունից։
Պատճենել հղումը
