ԵՐԵՎԱՆ, 11 դեկտեմբերի. /Նովոստի–Արմենիա/. Հայաստանում ընտանեկան բռնությունների թիվը 2015 թվականին աճել է, ուրբաթ լրագրողներին հայտնեց ՀՀ ոստիկանության անչափահասների հարցերով վարչության պետ Նելլի Դուրյանը:
«2015 թվականի 10 ամիսների ընթացքում Հայաստանում արձանագրվել է ընտանեկան բռնության 575 դեպք, իսկ 2015 թվականի 10 ամիսների ընթացքում 645 դեպք: Միաժամանակ, 2015 թվականին արձանագրվել է ամուսինների կողմից կանանց նկատմամբ բռնությունների 392 դեպք և կանանց կողմից ամուսինների նկատմամբ բռնության 11 դեպք»,-նշեց Դուրյանն` ընտանեկան բռնությունների և երեխաների նկատմամբ ոտնձգությունների թեմային նվիրված աշխատաժողովի ժամանակ:
Նրա խոսքով, 2015 թվականի 10 ամիսների ընթացքում արձանագրվել է երեխաների նկատմամբ ծնողների բռնության 56 դեպք և բռնության 85 դեպք` ծնողների նկատմամբ, ինչպես նաև ընտանիքի այլ անդամների կողմից երեխաների բռնության 13 դեպք:
Մինչև մեր վարչության կազմավորումը և տվյալ ցուցանիշների հաշվետվությունը` տվյալները բավականին փոքր էին, սակայն այդ թվերը մեծացել են: Այսօր ավելի հաճախ են նման հարցերով դիմում ոստիկանություն, և հնարավոր է, որ այն հասարակության տեղեկացվածության բարձրացման և ոստիկանության նկատմամբ վստահության արդյունք է»,-ընդգծեց նա:
Դոիրյանը նժեց, որ դա չի նշանակում, թե նախկինում ընտանեկան բռնություններ չկային, պարզապես հասարակական հնչեղություն չէր տրվում:
Նրա խոսքով, բռնություն ամեն տեղ կա, այն եղել է, կա ու ցավոք, մշտապես կլինի բոլոր երկրներում:
«Մեր երկրում արձանագրվել են ինչպես ֆիզիկական, այնպես էլ սեռական բտնության դեպքեր, այդուհանդերձ, Հայաստանի ցուցանիշները բավականին ցածր են, քան այլ երկրներում: Սակայն, ամեն ինչ պետք է անենք ընտանեկան բռնությունների կանխարգելման, ինչպես նաև արդեն իրագործված բտնությունների բացահայտման համար»,-ասաց Դուրյանը:
Նա նաև նժեց, որ ընտանեկան բռնությունների պատճառը միշտ չէ, որ սոցիալական խնդիրներն են, այլ հաճախ դրանք վատ դաստիարակության հետևանք են
«Բռնությունները հիմնականում իրականացնում են այն մարդիկ, ովքեր իրենց ընտանիքներում նույնն են տեսել, կամ բռնություններին զոհեր են»,-ավելացրեց Դուրյանը: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
