ԵՐԵՎԱՆ, 30 ապրիլի./Նովոստի–Արմենիա/. Հայպետհիդրոմետը ներկայացրել է առաջիկա օրերի եղանակը։
Այսպես, ապրիլի 30-ին, մայիսի 3-4-ը՝ հատկապես կեսօրից հետո և գիշերը, առանձին շրջաններում սպասվում է կարճատև անձրև և ամպրոպ, մայիսի 1-2-ը ժամանակ առ ժամանակ բոլոր շրջաններում սպասվում է անձրև և ամպրոպ, առանձին հատվածներում հնարավոր է կարկուտ։
Քամին՝ հարավ-արևմտյան՝ 5-10 մ/վ, ամպրոպի ժամանակ առանձին շրջաններում սպասվում է քամու ուժգնացում՝ 15-20 մ/վ։
Օդի ջերմաստիճանը մայիսի 1-ի ցերեկը կնվազի 7-8 աստիճանով, 2-4-ն աստիճանաբար ցերեկը նույնքան կբարձրանա:
Երևանում ապրիլի 30-ին, մայիսի 2-3-ը՝ կեսօրից հետո և գիշերը, սպասվում է կարճատև անձրև և ամպրոպ: Մայիսի 1-ին ժամանակ առ ժամանակ սպասվում է անձրև և ամպրոպ, ամպրոպի ժամանակ հնարավոր է քամու ուժգնացում՝ մինչև 15-20 մ/վ: Մայիսի 4-ին սպասվում է առանց տեղումների եղանակ:
Այսօր Երևանում ցերեկային ժամերին սպասվում է +26...+28 աստիճան։ Նշենք, որ այս օրը առավելագույն ջերմաստիճան է գրանցվել 2001թ.–ին` +25,8։ Բայց արդեն հաջորդ օրը` մայիսի 1–ին, Երևանում կցրտի և ջերմաստիճանը կնվազի` ցերեկը հասնելով +16...+18 աստիճանի։ Հետագա երեք օրերի ընթացքում ջերմաստիճանն աստիճանաբար կբարձրանա`հասնելով +22...+27–ի։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում