Փաշինյանն առաջարկել է Պուտինին քննարկել ՀՀ–ում նոր ԱԷԿ–ի կառուցումը

ԵՐԵՎԱՆ, 7 ապրիլի./Նովոստի–Արմենիա/. ՀՀ վարչապետ Նիկոլ Փաշինյանը Մոսկվայում ՌԴ նախագահ Վլադիմիր Պուտինի հետ հանդիպման ժամանակ անդրադարձել է Հայաստանում նոր ԱԷԿ–ի կառուցման հարցին։

«Այս համատեքստում ուզում եմ այսօր ձեզ հետ քննարկել Հայաստանի Հանրապետությունում նոր ատոմային էլեկտրակայանի կառուցման հնարավորությունը», – ասել է նա։

Ի պատասխան` Պուտինը խոստացել է մանրամասն և ուշադիր քննարկել հայկական կողմին հետաքրքրող բոլոր թեմաները։–0–