Պուտինը Փաշինյանի հետ զրույցում ընդգծել է տարածաշրջանում հաղորդակցությունների վերականգնման կարևորությունը Հայաստանի համար (ՎԻԴԵՈ)
17:59
07 Ապրիլի 2021
ԵՐԵՎԱՆ, 7 ապրիլի./Նովոստի–Արմենիա/. ՌԴ նախագահ Վլադիմիր Պուտինը ՀՀ վարչապետ Նիկոլ Փաշինյանի հետ հանդիպման ժամանակ ընդգծել է տարածաշրջանում հաղորդակցությունների ապաշրջափակման կարևորությունը Հայաստանի զարգացման համար։
«Կարևորագույն բաղադրիչներից է տարածաշրջանում առևտրատնտեսական կապերի և տրանսպորտային երթուղիների վերականգնման հնարավորությունը, որպեսզի Հայաստանը ստանա զարգացման նոր հնարավորություններ։ Իմ կարծիքով, սա չափազանց կարևոր է», – ասել է Պուտինը հանդիպման ժամանակ։
Պուտինը հույս է հայտնել, որ այս բոլոր հարցերը և այլ հարցեր, որոնք կապված են ընթացիկ իրավիճակի և զարգացման հեռանկարների հետ, կհաջողվի քննարկել Փաշինյանի հետ զրույցի ընթացքում, այնուհետև նաև աշխատանքային ճաշի ժամանակ։
Հայաստանի և Ռուսաստանի առաջնորդների հանդիպման օրակարգը
Ավելի վաղ հաղորդվել է, որ երկու պետությունների ղեկավարները կքննարկեն հայ–ռուսական հարաբերությունների օրակարգին վերաբերող ռազմավարական կարևոր հարցեր, մասնավորապես, առևտրատնտեսական կապերը, էներգետիկան, անվտանգությունը, ռազմավարական ներդրումներն ու առողջապահությունը։
Հանդիպման օրակարգում ներառված են նաև նոյեմբերի 9–ի եռակողմ հայտարարության դրույթների իրականացման հետ կապված հարցերը, հումանիտար բնույթի հարցեր։–0–
Փաշինյանն անդրադարձել է ԼՂ-ից բռնի տեղահանված որոշ շրջանակի կողմից կամա թե ակամա արվող գործողություններին ու քայլերին, որոնք սպառնալիք են ստեղծում ՀՀ ազգային անվտանգության համար
