ԵՐԵՎԱՆ, 30 մարտի./Նովոստի–Արմենիա/. Nordwind Airlines ավիաընկերոթյունն ապրիլին գործարկում է չվերթեր Պերմից Երևան և Ստամբուլ, հաղորդում է ՏԱՍՍ–ը` հղում անելով Պերմի միջազգային օդանավակայանի մամուլի ծառայությանը։
Հաղորդվում է, որ դեպի Երևան չվերթերն իրականացվելու են կիրակի օրերին։
2020թ.–ի մարտից Ռուսաստանը կորոնավիրուսի պայմաններում դադարեցրել էր արտերկիր իրականացվող բոլոր կոմերցիոն ուղևորափոխադրումները։ Նախորդ տարվա ամռանից միջազգային ավիահաղորդակցությունը սկսեց աստիճանաբար վերականգնվել։
Nordwind Airlines ավիաընկերությունը ստեղծվել է 2008թ.–ին, բազային օդանավակայանը Մոսկվայի «Շերեմետևոն» է։ Nordwind Airlines–ը չվերթեր է իրականացնում աշխարհի 17 երկրների 75 քաղաքներից ավելի քան 200 ուղղություններով։ Ավիապարկում կան Boeing 737, Boeing 777, Airbus A330 և Airbus A321 տիպի 33 օդանավեր։ Nordwind Airlines–ն ուղևորափոխադրումների ծավալով այսօրվա դրությամբ ներառված է Ռուսաստանի 10 լավագույն ավիաընկերությունների թվում։–0–