Մանե Գևորգյանն ազատվել է վարչապետի մամուլի քարտուղարի պաշտոնից

ԵՐԵՎԱՆ, 9 նոյեմբերի./Նովոստի–Արմենիա/. ՀՀ վարչապետ Նիկոլ Փաշինյանի որոշմամբ, Մանե Գևորգյանն ազատվել է վարչապետի մամուլի քարտուղարի պաշտոնից։

Վարչապետի որոշումը հրապարակվել է կառավարության կայքում։

Գևորգյանն այս պաշտոնին նշանակվել է 2020թ.–ի մարտին։

Մանե Գևորգյանն իր Facebook–յան իր էջում մեկնաբանել է։

«Սիրելի ընկերներ, դիմումիս համաձայն ազատվել եմ վարչապետի մամուլի քարտուղարի պաշտոնից։ Շնորհակալ եմ վարչապետին, կառավարության աշխատակազմին համատեղ աշխատանքի համար։ Վարչապետի մամուլի քարտուղարի պարտականությունները կատարելու ընթացքը լի էր Հայաստանին բաժին հասած դժվարություններով, չնայած ամենին՝ փորձել եմ հավատարիմ մնալ այն արժեքներին, որոնք դրվել էին 2018-ի հեղափոխության հիմքում։ Ներողություն եմ հայցում բոլոր նրանցից, որոնց հույսերը չեմ արդարացրել այս պաշտոնում։ Շնորհակալ եմ նաեւ լրագրողներին՝ արդյունավետ համագործակցության համար», – նշել է Գևորգյանը։–0–