Լարված իրավիճակը շարունակվում է. ընդդիմադիր ակտիվիստները Երևանում փողոցներ են փակում

ԵՐԵՎԱՆ, 27 ապրիլի./Նովոստի–Արմենիա/. Ընդդիմադիր տարբեր շարժումների մի խումբ ակտիվիստներ փակել են Երևանի մի շարք խոշոր փողոցները` ժամանակավորապես կաթվածահար անելով երթևեկությունը։

Ցուցարարները պահանջում են, որպեսզի կառավարությունը հրաժարվի Արցախի հարցում վարած քաղաքականությունից, որը սպառնում է Հայաստանի և Արցախի անվտանգությանը։

Ակցիայի անցկացման վայրեր են բերվել ոստիկանական լրացուցիչ ուժեր։ ԶԼՄ–ները հայտնում են, որ 11 մարդ բերման է ենթարկվել, որոշ տվյալներով` բերման է ենթարկվել մի քանի տասնյակ ակտիվիստ։–0–