ՀՀ ԶՈւ ԳՇ պետի տեղակալը մեկնաբանել է հայ–ադրբեջանական սահմանին գրանցված լարված իրավիճակը (ՎԻԴԵՈ)
13:22
17 Օգոստոսի 2021
ԵՐԵՎԱՆ, 17 օգոստոսի./Նովոստի–Արմենիա/. ՀՀ ԶՈւ ԳՇ պետի տեղակալ Անդրանիկ Մակարյանը մեկնաբանել է վերջին օրերին հայ–ադրբեջանական սահմանին գրանցված լարված իրավիճակը։
«Սահմանին մեր Զինված ուժերի ամենօրյա ծառայողական, մարտական գործունեության առօրյան է», – նշեց Մակարյանը։
Պատասխանելով այն հարցին, թե սպասու՞մ է, որ լարվածությունը սահմանին աճելու է` Մակարյանը նշեց.«Քանի մենք ունենք սրանց նման հարևաններ, լարվածություն միշտ էլ լինելու է: Մեր խնդիրն է, որպեսզի ցանկացած ժամանակ ոչ միայն պատրաստ լիենք, այլ նաև ճնշենք բոլոր մեթոդներով»:
Загружается новость ... "Лево"
Նրա խոսքով՝ Երասխի և Կութի ուղղությամբ հակառակորդն առաջխաղացման փորձեր չի անում, մինչդեռ շարունակում է լարվածություն ստեղծել:
Անդրանիկ Մակարյանը նշեց նաև, որ սահմանին այս պահի դրությամբ հարաբերական անդորր է:
Հիշեցնենք, որ նախօրեին երեկոյան ՀՀ մարդու իրավունքների պաշտպան Արման Թաթոյանը հայտնել էր, որ ադրբեջանական զինված ուժերն ուղիղ նշանառությամբ կրակում են Գեղարքունիքի մարզի Կութ և Նորաբակ գյուղերի վրա։
Ադրբեջանը նախօրեին երեկոյան կրակ է բացել Գեղարքունիքի հատվածում, ինչի հետևանքով 19-ամյա զինծառայող է մահացել։ Ադրբեջանը սադրանքի է դիմել նաև Երասխի հատվածում, ինչի հետևանքով 46–ամյա զինծառայող է մահացել։ Նախօրեին Ադրբեջանը փորձել է դիրքային առաջխաղացում ապահովել Սյունիքի մարզի` Սև լճի հատվածում, բայց հայ դիրքապահների գործողությունների արդյունքում հետ է շպրտվել` կրելով կորուստ։–0–
