ԵՐԵՎԱՆ, 27 մայիսի./Նովոստի–Արմենիա/. ԱԳՆ–ն հայտարարություն է տարածել Ադրբեջանի կողմից հայ զինծառայողների գերեվարման կապակցությամբ։
Загружается новость ... "Лево"
Մայիսի 12-ից ՀՀ ինքնիշխան տարածք ներթափանցած ադրբեջանական զորամիավորումները շարունակում են սադրիչ գործողություններ իրականացնել մի շարք ուղղություններով: Դրանցից մեկի արդյունքում մայիսի 27-ի վաղ առավոտյան Հայաստանի Հանրապետության Գեղարքունիքի մարզի սահմանային հատվածում, ՀՀ ԶՈՒ N զորամասի պահպանության տարածքում ինժեներական աշխատանքներ կատարելիս, ադրբեջանական զինված ուժերի զինծառայողների կողմից շրջափակվել և գերեվարվել է ՀՀ ԶՈՒ վեց զինծառայող։
«Ադրբեջանի ռազմաքաղաքական ղեկավարության կողմից իրականացվող այս սադրիչ գործողությունները նպատակ ունեն առավել լարել իրավիճակը, ինչը կարող է լրջորեն վտանգել տարածաշրջանային խաղաղությունը և կայունությունը: Խստորեն դատապարտում ենք Ադրբեջանի կողմից ՀՀ տարածքային Ադամբողջականության և ինքնիշխանության դեմ ուժի կիրառումը և ընդգծում, որ ադրբեջանական զինուժի բոլոր գործողությունների և դրանց հետևանքների պատասխանատվությունը կրում է Ադրբեջանի ռազմաքաղաքական ղեկավարությունը: Գերեվարված հայ զինծառայողները պետք է անհապաղ և անվերապահ վերադարձվեն», – նշվում է ԱԳՆ–ի հայտարարության մեջ:–0–
