Ծեծկռտուք ԱԺ–ում. հարձակվեցին ընդդիմադիր Վահե Հակոբյանի վրա (ՎԻԴԵՈ)

ԵՐԵՎԱՆ, 25 օգոստոսի./Նովոստի–Արմենիա/.ԱԺ նիստի շարունակությունից երեսուն րոպե անց խորհրդարանում կրկին բախում տեղի ունեցավ պատգամավորների միջև` այս անգամ ընդդիմադիր «Հայաստան» խմբակցության պատգամավոր, «Վերածնվող Հայաստան» կուսակցության առաջնորդ Վահե Հակոբյանի ելույթից հետո:

Հակոբյանի ելույթի ժամանակ պատգամավորները մեկնաբանություններ արեցին իրենց տեղերից, իսկ խորհրդարանի խոսնակ Ալեն Սիմոնյանը նույնպես զգացմունքային արձագանքեց:

Հակոբյանը նշեց, որ իշխանությունների գործողությունները երկիրը տանում են դեպի բռնապետություն, ինչին հաջորդեց խորհրդարանականներից մեկի դիտողությունը, դրանից հետո Հակոբյանը չկարողացավ զսպել իրեն և բացականչեց. «Արան դու ես, այ տվա ...»:

Ներկաները շատ բուռն արձագանքեցին: Որոշ պատգամավորներ տեղից բարձրացան և բախում սկսվեց: Խոսնակ Սիմոնյանն անմիջապես հանձնարարեց անջատել ուղիղ հեռարձակումը:

Որոշ լրատվամիջոցների կողմից տարածված տեսանյութում երևում է, թե ինչպես է Հակոբյանը ամբիոնից իջնում և քայլում դեպի «Քաղաքացիական պայմանագիր» խմբակցության անդամները:

Իշխանամետ պատգամավոր Վահագն Ալեքսանյանը մոտենում է Հակոբյանին ու ոտքերով հարվածում նրան, մյուս պատգամավորը մոտենում է նրան հետևից և սկսում բռունցքով հարվածել դեմքին: Բախումը վերածվում է ծեծկռտուքի ՝ մի քանի խորհրդարանականների մասնակցությամբ:

Ավելի վաղ խորհրդարանում, Սարգսյանի ելույթի ժամանակ, բախում տեղի ունեցավ իշխանամետ և ընդդիմադիր պատգամավորների միջև, ովքեր սկսեցին շշեր նետել միմյանց վրա:

Իրավիճակը հրահրեց Սարգսյանի այն հայտարարությունը, որ Հայաստանի պաշտպանության բոլոր այն նախարարները, որոնց ժամանակ մարդիկ գումարով կամ «զանգով» ազատվել են զինվորական ծառայությունից, հայրենիքի դավաճաններ են:

Այս հայտարարությունից հետո «Հայաստան» ընդդիմադիր խմբակցության ղեկավար, ՀՀ պաշտպանության նախկին նախարար Սեյրան Օհանյանը շիշը նետեց Սարգսյանի վրա:–0–