ԵՐԵՎԱՆ, 24 նոյեմբերի./Նովոստի–Արմենիա/. Անհետ կորած կամ գերեվարված հայ զինծառայողների ծնողներն այս անգամ հավաքվել են ՀՀ–ում ՌԴ դեսպանատան առաջ, նրանք հույս ունեն գրավել Ռուսաստանի իշխանությունների ու անձամբ ՌԴ նախագահ Վլադիմիր Պուտինի ուշադրությունը զինծառայողների որոնման խնդրին։
«Մենք մի խումբ ծնողների հետ դիմում ենք Ռուսաստանի կառավարությանն ու անձամբ Վլադիմիր Պուտինին, որպեսզի աջակցություն ցուցաբերեն, ազդեն Ադրբեջանի կառավարության վրա, որպեսզի այն թույլ տա խաղաղապահներին ու Կարմիր Խաչին մտնել Ջաբրաիլ ու Հադրութ և մեզ փոխանցել մեր զոհված երեխաների մարմինները», – ասել է ակցիայի մասնակիցներից մեկը։
Ակցիայի ժամանակ ծնողները կազմեցին կոլեկտիվ նամակ–դիմում` ուղղված Պուտինին, որը պատրաստվում են փոխանցել ՌԴ դեսպանատանը։
Ակցիայի մասնակիցները նշում են, որ նրանք փորձել են բոլոր տարբերակները, իսկ «ՀՀ վարչապետ Նիկոլ Փաշինյանի հետ նախօրեին տեղի ունեցած հանդիպումը նրանց չի բավարարել», չեն նշվել հարցի լուծման կոնկրետ ժամկետները։
Загружается новость ... "Лево"
«Սա պահանջ չէ, այլ մեզ աջակցելու խնդրանք, որն ուղղված է ՌԴ կառավարությանը, քանի որ տեսնում ենք, որ մեր գործողությունները Հայաստանում ընդհանրապես որևէ արդյունքի չեն բերում», – հայտարարել է ծնողներից մեկը։
Երկուշաբթի Պաշտպանության նախարարության շենքի մոտ կազմակերպվել էր անհետ կորած զինվորների հարազատների բողոքի ակցիան, ովքեր պահանջում են տեղեկատվություն տրամադրել իրենց զինծառայողների մասին։ Ցուցարարների մոտ դուրս եկավ վարչապետի օգնական Նաիրի Սարգսյանը և հայտնեց, որ ձևավորվել է միջգերատեսչական հանձնաժողով, որը շատ արագ կզբաղվի Արցախում անհետ կորած հայ զինծառայողների որոնման աշխատանքներով։ Օգնականը նաև տեղեկացրեց, որ Փաշինյանն իրեն հանձնարարել է ՊՆ-ի շենքի դիմաց հավաքվածների ցուցակ կազմել՝ հեռախոսահամարներով՝ անձնական հանդիպում կազմակերպելու համար։ Երեկոյան
կազմակերպվեցՓաշինյանի հանդիպումը 25 ծնողների հետ։–0–
