ԵՐԵՎԱՆ, 6 նոյեմբերի. /Նովոստի Արմենիա/. Այս տարվա դեկտեմբերից Հայաստանի չեմպիոն «Ալաշկերտին» հովանավորչական աջակցություն կցուցաբերի հայտնի գործարար և բարերար, «Տաշիր Գրուպ» ընկերության սեփականատեր Սամվել Կարապետյանը: Ինչպես հայտնում է ակումբի մամուլի ծառայությունը, հնարավոր է, «Ալաշկերտ» ՖԱ-ն անվանակոչվի «Ալաշկերտ-Տաշիր»:
Загружается новость ... "Лево"
«Հովանավորչական այս հզոր ներդրումը կնպաստի Հայաստանի չեմպիոնի առաջընթացին և լավ նախադրյալներ կստեղծի, որպեսզի հայկական ակումբն առաջիկայում մրցունակ ելույթներ ունենա եվրոպական մրցասպարեզում և բարձր արդյունքներ արձանագրի ՝ ուրախացնելով մեր հայրենակիցներին», – նշվում է ֆուտբոլային ակումբի տարածած հաղորդագրությունում: –0–
