440.42
4.4
402.65
+6
Եղանակը Երևանում
Հայ

Սպառնալիքի դեպքում Երևանը կկիրառի «Իսկանդերները» առանց Մոսկվայի հետ համաձայնության. դեսպան Տողանյան

10:30
15 Ապրիլի 2017
ԵՐԵՎԱՆ, 15 ապրիլի. /Նովոստի–Արմենիա/. ՌԴ–ում ՀՀ դեսպան Վարդան Տողանյանը «Ինտերֆաքսին» տված հարցազրույցում խոսել է ղարաբաղյան հակամարտության հարցում Երևանի դիրքորոշման, տարածաշրջանային հարաբերությունների, Մոսկվայի հետ համագործակցության, ինչպես նաև այն մասին, թե ինչպես Հայաստանը կարձագանքի իր անվտանգությանը սպառնալիք տեսնելու դեպքում։

Նա հայտարարել է, որ տարածաշրջանում ուժերի հավասարակշռությանն առաջին հերթին սպառնում են Ադրբեջանի ռազմատենչ մղումներն ու նմանատիպ քաղաքականությունը։

«Այստեղ հարցը սպառազինության քանակի և դրանց որակի մեջ չէ, այլ այն, թե ինչ քաղաքականություն ենք վարում։ Մենք վարում ենք խաղաղություն պահպանելու և հրադադարի մասին միջազգային համաձայնագրերին հետամուտ լինելու քաղաքականությու՞ն, թե՞, ամեն դեպքում, վարում ենք ռազմական ներուժի ավելացման և ռազմական ճանապարհով այդ հարցը լուծելու քաղաքականություն», – նշել է դեսպանը։

«Մենք տեսնում ենք Ադրբեջանի ռազմականացումը և այդ ոլորտում Ռուսաստանի հետ համագործակցությունը, քանի որ ոչ միայն մենք ենք համագործակցում Մոսկվայի հետ, այլ նաև Բաքուն։ Տեսնում ենք նաև համագործակցություն այլ դերակատարների` Թուրքիայի և Իսրայելի հետ», – հայտարարել է Տողանյանը։

Նա հիշեցրել է, որ մեկ տարի առաջ Ղարաբաղում տեղի ունեցավ արյունահեղ քառօրյա պատերազմը, ինչի հետևանքով զոհվեցին հարյուրավոր մարդիկ, ոչնչացվեցին սահմանամերձ գյուղեր։

«Դա տեղի էր ունենում ողջ տարվա ընթացքում ոչ միայն ԼՂ–ի հետ շփման գծում, այլև Հայաստանի հետ սահմանին` հյուսիս–արևմտյան հատվածներում, որոնք հեռու են Ղարաբաղի տարածքից», – հայտարարել է հայ դիվանագետը։

Նրա խոսքով, Երևանը կարծում է, որ միայն խաղաղության պահպանման միջազգային պարտավորություններին հետևելով և քաղաքական երկխոսության ձգտման միջոցով է հնարավոր պահպանել տարածաշրջանի կայունությունը։

«Ռազմականացման գաղափարախոսությունը որևէ լավ բանի չի հանգեցնի։ Այդ պատճառով մեր ունեցած «Իսկանդերները» ծառայում են բացառապես մեր քաղաքացիների անվտանգությունն ապահովելու համար։ Իսկ ՀՀ նախագահը վերջերս հրապարակային կերպով հայտարարեց, որ եթե ծագի մեր սահմանների և քաղաքացիների անվտանգության սպառնալիք, ապա, այո, այդ զենքը կկիրառվի», – ընդգծել է դեսպանը։

Միաժամանակ նա նշել է, որ Հայաստանի սկզբունքային գաղափարախոսությունն է հետամուտ լինել բացառապես խաղաղ գործընթացին, իսկ հակամարտության լուծումը պետք է լինի հենց քաղաքական։

Խոսելով «Իսկանդեր» համալիրների կառավարման մասին` դեսպանը հայտարարել է, որ այդ զենքը Հայաստանի զինված ուժերինն է, հետևաբար դրանց կառավարումը ևս իրականացվում է ՀՀ զինված ուժերի կողմից։

«Ելնելով նախագահի հայտարարությունից` սպառնալիքի դեպքում որպես գերագույն գլխավոր հրամանատար` նա իրավունք ունի գործարկել համապատասխան զենքը։ Չնայած, որ մենք Ռուսաստանի հետ ունենք միավորված ռազմական խմբավորում, ունենք ՀՕՊ միավորված համակարգ, եթե խոսքը մեր բանակի զենքը կիրառելու որոշման մասին է, ապա այն կընդունի հենց հայկական կողմը», – ասել է Տողանյանը։–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

ԱՌԿԱ գործակալություն
Բաժնի այլ նյութեր
15:33
14 Մարտի 2024
Երևանում կրկին ժամանակավորապես կփոխվի 11 ավտոբուսների երթուղին
Ուշադրություն․ Երևանում կրկին ժամանակավորապես կփոխվի 11 ավտոբուսների երթուղին
12:06
14 Մարտի 2024
Փաշինյանն առաջարկել է հանրային քննարկում անցկացնել Հայաստանի՝ ԵՄ անդամի թեկնածուի կարգավիճակ ստանալու հայտի վերաբերյալ
Փաշինյանն առաջարկել է հանրային քննարկում անցկացնել Հայաստանի՝ ԵՄ անդամի թեկնածուի կարգավիճակ ստանալու հայտի վերաբերյալ

11:33
14 Մարտի 2024
«Green Rock Management Group»-ը մեկնարկել է «Green Cab» տաքսի ծառայությունը Դիլիջանում
«Green Rock Management Group»-ը Դիլիջան քաղաքին է նվիրել Toyota Corolla Hybrid 2023 հիբրիդային բոլորովին նոր մեքենաներ
10:09
14 Մարտի 2024
ԵԽ–ում ներկայացված բանաձևն առաջարկում է դիտարկել ԵՄ-ին Հայաստանի անդամակցության թեկնածության հնարավորությունը
Եվրախորհրդարանում ներկայացված բանաձևն առաջարկում է դիտարկել ԵՄ-ին Հայաստանի անդամակցության թեկնածության հնարավորությունը
21:15
13 Մարտի 2024
ՀԷՑ–ը տուգանվել է 20մլն դրամով
«Հայաստանի էլեկտրական ցանցեր» ՓԲԸ–ն տուգանվել է 20մլն դրամով
15:58
13 Մարտի 2024
Սուրենյանը ցույց է տվել գարնանային Սյունիքը (ՖՈՏՈ)
Սուրենյանը գարնանային Սյունիքից լուսանկար է հրապարակել․ ՖՈՏՈ
14:00
13 Մարտի 2024
Քաղցկեղի մի շարք տեսակների դեպքում պացիենտներին անվճար կտրամադրվի բևացիզումաբ հակաքաղցկեղային թանկարժեք դեղը (ՎԻԴԵՈ)
Հայաստանում քաղցկեղի մի շարք տեսակների դեպքում պացիենտներին անվճար կտրամադրվի բևացիզումաբ հակաքաղցկեղային թանկարժեք դեղը․ ՎԻԴԵՈ
12:14
13 Մարտի 2024
Փաշինյանը TikTok–ում հրապարակել է անձնական նամակագրություն Արշակ Կարապետյանի հետ, վերջինս վարչապետին մեղադրել է ստի մեջ (ՎԻԴԵՈ)
Փաշինյանը TikTok–ում հրապարակել է անձնական նամակագրություն Արշակ Կարապետյանի հետ, վերջինս վարչապետին մեղադրել է ստի մեջ․ ՎԻԴԵՈ
10:05
13 Մարտի 2024
17 ժամ ջուր չի լինի․ «Վեոլիա Ջուրը» զգուշացնում է
«Վեոլիա Ջուրը» զգուշացնում է. 17 ժամ ջուր չի լինի
23:06
12 Մարտի 2024
Հունվարի 1–ից մինչև մարտի 10–ն աշխատանքից ազատվել է 21 վարորդ․ պատճառներից մեկը Մարտի 8-ին կանանցից գումար գանձելն է
Հունվարի 1–ից մինչև մարտի 10–ն աշխատանքից ազատվել է 21 վարորդ․ պատճառներից մեկը Մարտի 8-ին կանանցից գումար գանձելն է
21:15
12 Մարտի 2024
Կիևյան կամուրջն ամբողջությամբ նորոգվում է․ նորոգման ընդհանուր արժեքը մոտ 502 մլն դրամ է (ՎԻԴԵՈ)
Կիևյան կամրջի ամբողջական նորոգումը կպահանջի շուրջ կես տարի, նորոգման ընդհանուր արժեքը մոտ 502 մլն դրամ է. ՎԻԴԵՈ
21:06
12 Մարտի 2024
Երևանում տրանսպորտը թանկացավ․ ավագանին ընդունեց նախագիծը
Երևանում տրանսպորտը թանկացավ․ ավագանին ընդունեց նախագիծը