Նախորդ շաբաթվա կարևոր նորությունների հնգյակը

ԵՐԵՎԱՆ, 18 նոյեմբերի. /Նովոստի–Արմենիա/. «Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը։

• ՀՀ նախագահ Սերժ Սարգսյանը ՌԴ նախագահ Վլադիմիր Պուտինի հրավերով աշխատանքային այցով մեկնել էր Մոսկվա:

• Նախորրդ շաբաթվանից ուսանողները բողոքի ակցիաներ և դասադուլ էին կազմակերպում տարկետումը սահմանափակող օրինագծի ընդունման դեմ։ «Հանուն գիտության զարգացման» նախաձեռնության անդամները դուրս էին գալիս բողոքի ակցիաների և բոյկոտում էին դասերը։ Միաժամանակ, ՀՀ ԱԺ պատգամավորները երկրորդ և վերջնական ընթերցմամբ ընդունեցին «Զինվորական ծառայության և զինծառայողի կարգավիճակի մասին» աղմկահարույց օրենքը։ Ի վերջո, ուսանողների և պատգամավորների միջև համաձայնություն ձեռք բերվեց նոյեմբերի 22–ին կլոր սեղան–քննարկում անցկացնել։ Միաժամանակ, ՀՀ ԱԺ փոխխոսնակ Էդուարդ Շարմազանովը հայտարարեց, որ «Զինվորական ծառայության և զինծառայողի կարգավիճակի մասին» օրենքը հետ չի կանչվի։

• Երևանում բացվեց «ՌԻՈ» առևտրաժամանցային կենտրոնը։ Այն ռուսական ցանց է, որը ներառված է 2005 թ.–ին հիմնադրված «Տաշիր»ընկերությունների խմբում, որի ներդրումների միագումար ծավալը բոլոր նախագծերի համար կազմել է մոտ 40 մլն. ԱՄՆ դոլար: Միաժամանակ,հայտնի դարձավ, որ առևտրաժամանցային կենտրոնում կգործի 600 քառակուսի մետր ընդհանուր մակերեսով էկզոտարիում, որտեղ ներկայացված կլինեն մոտ 60 կենդանիների տեսակներ` ընձառյուծակատուներ, կենգուրու, կրիաներ և այլն: Այս հանգամանքը մեծ իրարանցում և վրդովմունք առաջացրեց հայ հասարակության շրջանում։

• Հայաստանի կառավարությունը հավանություն տվեց  Ռուսաստանի հետ 100 մլն դոլարի պաշտպանական վարկի համաձայնագրին:

• Երեք օրվա մեջ երեք երկրաշարժ է գրանցվել Ադբեջանում, որոնք զգացվել են Արցախում և Հայաստանում։–0–