ԵՐԵՎԱՆ, 6 ապրիլի. /Նովոստի–Արմենիա/. Ամենայն հավանականությամբ, ՀՀ աշխատանքի և սոցիալական հարցերի նախարար Արտեմ Ասատրյանը չի լինի նոր կառավարության կազմում:
«Ժողովուրդ»-ի տեղեկություններով, պատճառը նրա ղեկավարած նախարարության ենթակա գերատեսչություններում այս ընթացքում հայտնաբերված կոռուպցիոն սկանդալներն ու ֆինանսական չարաշահումներն են, որոնց առթիվ որոշ դեպքերում հարուցվել են քրեական գործեր: Խոսքը միլիոնավոր դոլարների մասին է:
Իսկ նախարարի մամուլի խոսնակ Անուշ Դանիելյանը թերթին մեկնաբանել է հետևյալ կերպ. «Դեռ մեկ ամիս և ավել ժամանակ կա, և ես չեմ կարող մեկնաբանել որևէ տեղեկատվություն, երբ իրականում որոշում չկա»։
Թերթը նաև նշում է, որ ՀՀԿ-ն պաշտոնական տվյալներով բացարձակ մեծամասնություն է կազմել ԱԺ ընտրություններում, և հենց այս կուսակցությունն էլ կկազմավորի կառավարությունը, և վերստին վարչապետ կնշանակվի Կարեն Կարապետյանը:
Հայտնի է նաև, որ ՀՀԿ-ն կշարունակի կոալիցիոն համագործակցությունը ՀՅԴ-ի հետ, իսկ թե քանի պորտֆել կտրվի ՀՅԴ-ին, ու, ընդհանրապես, ովքեր կլինեն նոր կառավարության կազմում, դեռ որոշված չէ:–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում