Հայտնաբերվել է Մեծամորի աղբանոց նորածնին նետած մայրը
27.02.2018,
11:29
Հայտնաբերվել է Արմավիրի մարզի Մեծամոր քաղաքի աղբանոց նորածնին նետած մայրը:
ԵՐԵՎԱՆ, 27 փետրվարի. /Նովոստի–Արմենիա/. Հայտնաբերվել է Արմավիրի մարզի Մեծամոր քաղաքի աղբանոց նորածնին նետած մայրը, «Նովոստի–Արմենիա» գործակալությանը հայտնեցին ՀՀ ոստիկանությունից։
Նախօրեին արական սեռի նորածնի դի է հայտնաբերվել Մեծամորի մոտակայքում գտնվող աղբանոցում։
«Մեծամորի աղբանոց նորածնին նետած մայրը հայտնաբերվել է, նա 37 տարեկան է», – ասաց գործակալության զրուցակիցը։
Загружается новость ... "Лево"
ՀՀ քննչական կոմիտեի հաղորդմամբ, դեպքի վայրի զննությամբ Մեծամոր քաղաքից դեպի «ՀԱԷԿ» ՓԲԸ տանող ճանապարհի հարակից աղբանոցում հայտնաբերվել է արական սեռի նորածնի դի։ Արտաքին զննությամբ դատաբժիշկներն արձանագրել են գլխի, պարանոցի, կրծքավանդակի և որովայնի շրջաններում տարածուն փափուկ հյուսվածքների դեֆեկտներ, բացի այդ, բացակայել է նախաբազկի աջ վերին վերջույթը՝ դաստակը, իսկ ձախ վերին վերջույթը` ամբողջությամբ: Նշանակվել է դիակի դատաբժշկական փորձաքննություն։–0–
Պատճենել հղումը
