Հայաստանում COVID-19-ի հետ կապված իրավիճակը գնալով ծանրանում է, շուրջ 700 պացիենտ գտնվում է ծանր վիճակում
31.08.2021,
23:08
Առողջապահության փոխնախարարը հայտնում է, որ COVID-19-ի հետ կապված իրավիճակը գնալով ծանրանում է, շուրջ 700 պացիենտ գտնվում է ծանր վիճակում, մահճակալային ֆոնդի 87%-ը զբաղված է
![Հայաստանում COVID-19-ի հետ կապված իրավիճակը գնալով ծանրանում է, շուրջ 700 պացիենտ գտնվում է ծանր վիճակում Հայաստանում COVID-19-ի հետ կապված իրավիճակը գնալով ծանրանում է, շուրջ 700 պացիենտ գտնվում է ծանր վիճակում](/upload/iblock/6df/ppyeujehbsbajy31k3e3ez9owxgt1zni.jpg)
ԵՐԵՎԱՆ, 31 օգոստոսի․/Նովոստի-Արմենիա/․ Հայաստանի Հանրապետությունում Covid-19 համավարակով պայմանավորված իրավիճակը գնալով ծանրանում է: Այս մասին հայտնել է ՀՀ առողջապահության նախարարի տեղակալ Գևորգ Սիմոնյանը։
Նա նշել է, որ Երևանում և ՀՀ մարզերում 14 բժշկական կենտրոն ամբողջությամբ կամ մասնակի վերապրոֆիլավորվել են կովիդ կենտրոնների։
«Ծավալված 1798 մահճակալային ֆոնդից 1563-ը արդեն զբաղված են (87%)։ Շուրջ 700 պացիենտ գտնվում է ծանր վիճակում, 125-ը՝ ծայրահեղ ծանր, 53-ը միացված են թոքերի արհեստական օդափոխության սարքերին», - նշել է փոխնախարարը։
նաև հայտնել է, որ շտապ օգնության բրիգադները աշխատում են ծայրահեղ ծանրաբեռնվածությամբ՝ օրական սպասարկելով 2000-3000 կանչ:-0-