ՊՊԾ գնդի տարածքի զավթման գործը ընդունվել է վարույթ

ԵՐԵՎԱՆ, 2 օգոստոսի. /Նովոստի–Արմենիա/. ՊՊԾ գնդի տարածքի զինված զավթման գործը ընդունվել է  վարույթ, հաղորդում է ՀՀ հատուկ քննչական ծառայության մամուլի ծառայությունը։

«Օբյեկտիվ, լրիվ և բազմակողմանի քննությունը երաշխավորելու անհրաժեշտությունից ելնելով՝ ՀՀ ոստիկանության պարեկապահակային ծառայության գնդի տարածքի զինված զավթման դեպքի առթիվ ՀՀ ազգային անվտանգության ծառայության քննչական վարչությունում ՀՀ քրեական օրենսգրքի 219-րդ և 235-րդ հոդվածների հատկանիշներով հարուցված քրեական գործն ընդունվել է ՀՀ հատուկ քննչական ծառայության քննիչի վարույթ», – նշվում է հաղորդագրության մեջ։

ՀՀ հատուկ քննչական ծառայության պետի որոշմամբ՝ նախաքննության կատարումը հանձնարարվել է քննչական խմբին:

Նախաքննությունը շարունակվում է: -0-