Գևորգ Գևորգյանն ազատվել է Կինոկենտրոնի տնօրենի պաշտոնից
26.07.2017,
12:54
ՀՀ մշակույթի նախարար Արմեն Ամիրյանի հրամանով Գևորգ Գևորգյանն ազատվել է Կինոկենտրոնի տնօրենի պաշտոնից:
ԵՐԵՎԱՆ, 26 հուլիսի. /Նովոստի–Արմենիա/. ՀՀ մշակույթի նախարար Արմեն Ամիրյանի հուլիսի 25-ի հրամանով Գևորգ Գևորգյանն ազատվել է «Հայաստանի ազգային կինոկենտրոն» ՊՈԱԿ-ի տնօրենի ժամանակավոր պաշտոնակատարի պաշտոնից, նշվում է ՀՀ մշակույթի նախարարության Facebook–յան էջում։
Загружается новость ... "Лево"
Նախարարի երկու այլ հրամաններով «Հայաստանի ազգային կինոկենտրոն» ՊՈԱԿ-ի տնօրենի ժամանակավոր պաշտոնակատար է նշանակվել Շուշանիկ Միրզախանյանն՝ ազատվելով «Փաստավավերագրական ֆիլմերի «Հայկ» կինոստուդիա» ՊՈԱԿ-ի տնօրենի պաշտոնից։
Ամիրյանի հրամանով, «Հայկ» կինոստուդիայի տնօրենի պարտականությունները ժամանակավորապես կկատարի նույն կինոստուդիայի հասարակայնության հետ կապերի բաժնի պետ Ծովինար Սողոմոնյանը։–0–
Պատճենել հղումը
