Գավառում արդեն իսկական ձմեռ է (ՎԻԴԵՈ)

ԵՐԵՎԱՆ, 4 հոկտեմբերի. /Նովոստի–Արմենիա/. Գեղարքունիքի մարզի Գավառ քաղաքում արդեն իսկական ձմեռ է։

Այսօր առավոտյան քաղաքի բնակիչներն արթնացել են ու չեն հավատացել սեփական աչքերին։

«Գավառում աշունն ու ձմեռը տարօրինակ կերպով հերթափոխի եմ դիմել, կանաչ ծառերի վրա ձյուն է», – նշել է Facebook–յան օգտատերերից մեկը, ով բնակվում է Գավառում։ Նա նաև տեսանյութ է հրապարակել։

Նշենք, որ շուրջ 10 օր առաջ հանրապետության տարածքում իսկական ամառ էր, ջերմաստիճանը հասնում էր +35 աստիճանի։

Հոկտեմբերի 5-ի լույս գիշերը Շիրակի և Գեղարքունիքի մարզերում, ինչպես նաև Վայոց Ձորի, Կոտայքի և Արագածոտնի լեռներում օդի ջերմաստիճանը կտատանվի -2...+2 աստիճանի սահմանում:

Լոռու մարզում և Սյունիքի հովիտներում սնդիկի սյունը նույն գիշեր ցույց կտա 0...+2-3 աստիճան, իսկ Երևանում` +6...+8 աստիճան: Ընդհանուր առմամբ, օդի ջերմաստիճանը հոկտեմբերի 4-ին և 5-ի լույս գիշերը կնվազի 3-4 աստիճանով, իսկ հոկտեմբերի 6-8-ը կբարձրանա 5-7 աստիճանով, իսկ Լոռու, Տավուշի, Սյունիքի մարզերում և Արցախում` 8-10 աստիճանով:

Մայրաքաղաքում չորեքշաբթի և հինգշաբթի ցերեկային ժամերին ջերմաստիճանը կանխատեսվում է +14...+17, մինչև կիրակի կտաքանա` հասնելով +23...+25 աստիճանի: Հոկտեմբերի 4-ին անձրևներ են սպասվում Հայաստանի մարզերի մեծամասնությունում, իսկ հոկտեմբերի 5-8-ը կանխատեսվում է առանց տեղումների եղանակ: Քամին կլինի հարավ-արևմտյան` 3-8 մետր վայրկյան արագությամբ: -0-