537.18
6.37
477.15
+11
Եղանակը Երևանում
Հայ

Բացառիկ և առանձնահատուկ. Հայաստանում կարտադրվեն «Կալաշնիկով» ինքնաձիգերի նոր մոդելներ (ՖՈՏՈ, ՎԻԴԵՈ)

16:05
06 Հունիսի 2020

ԵՐԵՎԱՆ, 6 հունիսի./Նովոստի-Արմենիա/. Հուլիսի սկզբին Հայաստանում կբացվի «Կալաշնիկով ԱԿ-103» ինքնաձիգերի՝ Ռուսաստանի հետ համատեղ արտադրության գործարանը: Ինքնաձիգերի հավաքումը Երևանում իրականացնելու է «Նեյտրոն» գիտա-արտադրական միավորումը:

Սկզբնական փուլում Իժևսկի մեխանիկական գործարանը մատակարարելու է ինքնաձիգերի դետալները, իսկ հետագայում նախատեսվում է գործարկել դետալների տեղական արտադրություն։

«Նովոստի-Արմենիա» գործակալությունը ներկայացնում է Երևանում ԱԿ-103 ինքնաձիգերի արտադրության կազմակերպման մանրամասները:

Արտադրության մասին պայմանավորվածություն

автомат калашникова1.jpg

Ինքնաձիգերը հավաքելու կազմակերպման մասին պայմանավորվածությունը ձեռք է բերվել դեռևս 2018թ.-ի օգոստոսին Մոսկվայում «Նեյտրոն» գիտա-արտադրական միավորման ղեկավար Դավիթ Գալստյանի և «Կալաշնիկով» կոնցեռնի տնօրենի տեղակալ Անդրեյ Բարիշնիկովի հանդիպման ժամանակ:

2019թ.-ի սկզբին պաշտպանության նախարար Դավիթ Տոնոյանը Երևանում ընդունել է «Կալաշնիկով» կոնցեռնի գլխավոր տնօրեն Անդրեյ Բարիշնիկովի գլխավորած պատվիրակությանը: Այն ժամանակ Տոնոյանը պատրաստակամություն է հայտնել աջակցելու բոլոր այն նախագծերին, որոնք ուղղված կլինեն Հայաստանում ռազմական նշանակության ապրանքների համատեղ արտադրության կազմակերպմանը:

Ինքնաձիգերի փուլային հավաքման համար նախատեսված կոմպլեկտավորող դետալների մատակարարման պայմանագիրը կնքվել է ՌԴ ռազմատեխնիկական համագործակցության դաշնային ծառայության 2020թ.–ի մայիսի 15–ի որոշման հիման վրա։

«Կալաշնիկով ԱԿ-103» ինքնաձիգերի արտադրության լիցենզիան նախատեսված է 10 տարով:

Ինքնաձիգերի արտադրության կազմակերպում

Ինչպես «Նովոստի-Արմենիային» հայտնեց «Կալաշնիկով» կոնցեռնի ներկայացուցիչ Իգոր Գորդիենկոն, գործարանի աշխատանքը կկազմակերպվի երկու փուլով:

«Սկզբնական փուլում բոլոր դետալներն ու անհրաժեշտ հումքը մատակարարվելու է Ռուսաստանից: Երկրորդ փուլը նախատեսում է հասարակ դետալների արտադրություն, որոնք անհրաժեշտ են տեղում հավաքման համար՝ կրկին ռուսական տեխնոլոգիաների կիրառմամբ: Դեռևս վաղ է խոսել տարեկան արտադրության հստակ քանակի մասին, քանի որ մենք դեռևս պատրաստվում ենք ընդհանուր տեխնոլոգիական գործընթացին: Բայց խոսք կարող է լինել տասնյակ հազարավոր միավորների մասին»,- ասաց նա:

Նրա խոսքով, արտադրության սկզբնական փուլում ներգրավված են լինելու սպառազանության վերանորոգման և մշակման տեղացի մասնագետներ:

«Մասնագետներն արդեն ընտրվել են բացառապես Հայաստանում: Նրանք պետք է հավաքեն դետալները, ստուգեն, վերահսկեն ողջ գործընթացը: Ներկա կազմից հինգը զինագործներ են, ովքեր արդեն ունեն համապատասխան որակավորում և լրացուցիչ ուսուցման կարիք չունեն, ունենք տեխնիկական վերահսկման բաժնի երկու մասնագետ, իսկ մնացած աշխատողները կատարում են գործառույթներ, որոնք լրացուցիչ պատրաստման կարիք չունեն: Արտադրության զարգացմանը զուգահեռ կավելանա նաև մասնագետների թիվը»,- նշեց նա:

Գորդիենկոն ընդգծեց, որ ինքնաձիգերի արտադրությունը բացառիկ է և Հայաստանի պատմության մեջ դեռ առաջին դեպքն է, երբ մասնավոր ընկերությունն արտադրելու է նոր սերնդի ինքնաձիգեր:

«ԱԿ-103 ինքնքձիգերը նոր, մեծ պահանջարկ ունեցող մոդել է, քանի որ դրա բնութագիրն ավելի լավն է, քան ԱԿՄ մոդելների դեպքում: Հենց այդ կապակցությամբ որոշում է ընդունվել արտադրել այս մոդելները: Այս փուլում միայն այս մոդելի արտադրության թույլտվություն է տրված, բայց հետագա փուլում՝ կերևա»,- հավելեց նա:

Արտադրական հնարավորությունների ընդլայնում

автомат калашникова1.jpg

Գորդիենկոյի խոսքով, ընկերությունն արդեն երկրորդ փուլում մտադիր է ստանալ առանձին լիցենզիա և սկսել Երևանում արտադրել ինքնաձիգերի կոմպլեկտավորող դետալներ։ Նախատեսվում է արտադրության ծավալը մեծացնել մինչև տարեկան 50 000 արտադրանք:

«Սկզբում կպատրաստենք ավելի պարզ դետալներ, հետո կանցնենք բարդերին»,- պարզաբանեց նա:

«Նեյտրոն» գիտա-արտադրական միավորման սպառազինության գծով փորձագետ Արկադի Շահնազարյանն իր հերթին նշեց, որ արտադրության երկրորդ փուլում ընկերությունը ծրագրում է ընդլայնել արտադրամասերի քանակը և ավելացնել նաև տեխնիկական ծառայությունները: Բացի զենքից, գործարանում նախատեսվում է արտադրել գիշերային տեսանիելիության համակարգեր ՀՀ Զինված ուժերի կարիքների համար:

«Կա 3-4 հիմնական ուղղություն` զենքի հավաքում, ավտոմոբիլային տեխնիկայի կապիտալ վերանորոգում՝ ռուսական և սովետական տեխնոլոգիայով, դրանց փաստաթղթավորում, տանկային տեխնիկայի վերանորոգում, զենքի արտադրություն ու հավաքում, ինչպես նաև տարբեր տրամաչափի փամփուշտների արտադրություն»,- հայտնեց նա:

Նրա խոսքով, հուլիսին նախատեսվում է սկսել գործարանի կառուցման աշխատանքիներն Աբովյանում, որտեղ հետագայում կարտադրվեն փամփուշտներ, ինչպես նաև կվերանորոգվի ռազմական և բանակային ավտոմոբիլային տեխնիկա:

Նոր մոդելի առավելությունները

автомат калашникова1.jpg

Տեխնիկական բնութագրի համաձայն, ԱԿ-103 ինքնաձիգն ԱԿ-74Մ ինքնաձիգի էքսպորտային տարբերակն է, որն առանձնանում է համապատասխանաբար 5,56×45 մմ. և 7,62×39 մմ. փամփուշտների օգտագործմամբ:

Շահնազարյանի խոսքով, նոր մոդելի առավելությունն է ցանկացած օպտիկական սարքերի օտագործման հնարավորությունը, այդ թվում` ջերմային և գիշերային տեսանելիության։

Նշենք, որ ԱԿ–74–ն ամենամասսայական ինքնաձիգերից է աշխարհում։ Ամբողջ աշխարհում կա ԱԿ և ԱԿ 74 տեսակի ավելի քան 18 մլն նմուշ։

Հայ–ռուսական ռազմական համագործակցություն

Հայաստանը Ռուսաստանի դաշնակիցն է ՀԱՊԿ–ի գծով։ Հայաստանում տեղակայված է 102–րդ ռազմաբազան։

2019թ.–ի դեկտեմբերի 21–ին Հայաստանը Ռուսաստանից ստացել է «ՏՈՐ» զենիթահրթռիային համալիրի առաջին խմբաքանակը։ 2019թ.–ի սկզբին Երևանի և Մոսկվայի միջև ստորագրված պայմանագրի շրջանակում Երևան բերվեցին ՍՈւ–30ՍՄ ռուսական երկու կործանիչները։–0–



Partners News
Partners News
ԱՌԿԱ գործակալություն
Բաժնի այլ նյութեր
12:12
29 Հոկտեմբերի 2021
Թվային փոխակերպում. Ամերիաբանկն առաջինը Հայաստանում ներդնում է էկոհամակարգերի առցանց միջավայր
Ամերիաբանկը միակն է Հայաստանում, որը ստեղծել է թվային էկոհամակարգերի և լուծումների համախումբ
14:02
03 Օգոստոսի 2021
Հայաստանում արդեն շրջանառվում է COVID-19–ի «Դելտա» վտանգավոր շտամը.ի՞նչ է հայտնի նրա մասին
Հայաստանում արդեն շրջանառվում է COVID-19–ի «Դելտա» վտանգավոր շտամը. պատմում ենք նրա վտանգի և առանձնահատկությունների մասին
10:15
25 Հունիսի 2021
Կցանկանայինք զարգանալ, բայց տարածք չկա. Sevan Startup Summit 2021–ը չի կայանա, իշխանությունները տարածք չեն տրամադրել
Կցանկանայինք զարգանալ, բայց տարածք չկա. Sevan Startup Summit 2021–ը չի կայանա, իշխանությունները տարածք չեն տրամադրել
11:19
04 Հունիսի 2021
Թշնամու նշանառության տակ. ինչպե՞ս են ապրում տավուշցիներն Ադրբեջանի կողմից օկուպացիայի սպառնալիքի ներքո. «Նովոստի–Արմենիա»–ի ռեպորտաժը սահմանամերձ Տավուշից (ՖՈՏՈ, ՎԻԴԵՈ)
Թշնամու նշանառության տակ. ինչպե՞ս են ապրում տավուշցիներն Ադրբեջանի կողմից օկուպացիայի սպառնալիքի ներքո. «Նովոստի–Արմենիա»–ի ռեպորտաժը սահմանամերձ Տավուշից.ՖՈՏՈ, ՎԻԴԵՈ
14:17
25 Փետրվարի 2021
Արցախյան պատերազմ. հադրութցի փախստականների կյանքը պատերազմից առաջ և հետո. ԷՔՍԿԼՅՈՒԶԻՎ
Արցախյան պատերազմ. հադրութցի փախստականների կյանքը պատերազմից առաջ և հետո. ԷՔՍԿԼՅՈՒԶԻՎ
16:53
18 Նոյեմբերի 2020
Ի՞նչ է VPN–ը, ինչո՞ւ է այն հարկավոր
Ի՞նչ է VPN–ը, որ՞ն է դրա առավելությունը, ո՞վ կարող է դրանից օգտվել և ինչպե՞ս, պատասխանում ենք այս թեմայի վերաբերյալ բոլոր հիմնական հարցերին
14:48
27 Հոկտեմբերի 2020
Ձախողված ադրբեջանա–թուրքական բլիցկրիգ. այսօր լրանում է արցախյան երկրորդ պատերազմի մեկ ամիսը
Ձախողված ադրբեջանա–թուրքական բլիցկրիգ. այսօր լրանում է արցախյան երկրորդ պատերազմի մեկ ամիսը
18:24
13 Հոկտեմբերի 2020
Քաղաքական տեսաբան Մաքսիմ Յուսինը` Մոսկվայի դերակատարության մասին հայ–ադրբեջանական հակամարտության մեջ
Քաղաքական տեսաբան Մաքսիմ Յուսինը վերլուծում է Ղարաբաղում իրավիճակի սրման հարցում պաշտոնական Մոսկվայի դիրքորոշումը, ինչպես նաև այն, թե ով և ինչ է խանգարում հրադադարի հաստատմանը
21:47
10 Օգոստոսի 2020
Դարը որպես մեկ ակնթարթ և Թուրքիայի սինդրոմը. հայացք Սևրի պայմանագրին Հայաստանից
Դարը որպես մեկ ակնթարթ և Թուրքիայի սինդրոմը. հայացք Սևրի պայմանագրին Հայաստանից
09:30
27 Հուլիսի 2020
Ո՞րն է նպատակը․ Հայաստանում տարակուսանքի մեջ են ադրբեջանական բիզնեսի վնասը փոխհատուցելու հայազգի միլիարդատիրոջ որոշման պատճառով
Սոցցանցերի հայկական տիրույթում տարակուսանքով են ընդունել միլիարդատեր Սերգեյ Սարկիսովի՝ Մոսկվայում տեղի ունեցած դեպքերի հետևանքով տուժած ադրբեջանական բիզնեսին աջակցելու պատրաստակամությունը
14:29
18 Հուլիսի 2020
«Պատերազմ» ընդդեմ ծիրանի․ հայկական ֆլեշմոբը հաղթում է Մոսկվայում ադրբեջանական սադրանքներին (ՖՈՏՈ, ՎԻԴԵՈ)
«Պատերազմ» ընդդեմ ծիրանի․ հայկական ֆլեշմոբը հաղթում է Մոսկվայում ադրբեջանական սադրանքներին․ ՖՈՏՈ, ՎԻԴԵՈ
09:50
17 Հուլիսի 2020
Ալիևը չի կարող ընդունել ռազմական պարտությունը և ողջ պատասխանատվությունը գցում է ԱԳՆ-ի վրա. փորձագետը՝ Մամեդյարովի պաշտոնից հեռացման մասին (ԷՔՍԿԼՅՈՒԶԻՎ)
Ալիևը չի կարող ընդունել ռազմական պարտությունը և ողջ պատասխանատվությունը գցում է ԱԳՆ-ի վրա. փորձագետը՝ Մամեդյարովի պաշտոնից հեռացման մասին (ԷՔՍԿԼՅՈՒԶԻՎ)