Հայտնի են Եվրոպայի լիգայի որակավորման առաջին փուլերի հայկական ակումբների մրցակիցները

ԵՐԵՎԱՆ, 22 հունիսի. /Նովոստի–Արմենիա/. Հայտնի են դարձել ՈՒԵՖԱ-ի Եվրոպայի լիգայի որակավորման առաջին փուլերի հայկական ակումբների մրցակիցները, հայտնում է Հայաստանի ֆուտբոլի ֆեդերացիայի մամուլի ծառայությունը։

Երկուշաբթի ՈՒԵՖԱ-ի շտաբ-բնակարանում՝ Շվեյցարիայի Նիոն քաղաքում, անցկացված վիճակահանության արդյունքներով, Հայաստանը ներկայացնող «Ալաշկերտը» կմրցի Շոտլանդիան ներկայացնող «Սենթ Ջոնսթոն» թիմի հետ, «Շիրակը»՝ բոսնիական «Ժրինսկի Մոստար» թիմի, իսկ «Ուլիսը»՝ Մալթան ներկայացնող «Բիրկիրկարա» թիմի հետ։

Որակավորման առաջին փուլի առաջին հանդիպումները կկայանան հուլիսի 2-ին, պատասխան հանդիպումները՝ հուլիսի 9-ին: -0-