Հովսեփյանը հրապարակեց Հայաստանի հավաքականի կազմը Պորտուգալիայի հետ խաղում, Մովսիսյանը վերջնական ցուցակում է

ԵՐԵՎԱՆ, 1 հունիսի. /Նովոստի–Արմենիա/. Հայաստանի ֆուտբոլի հավաքականի գլխավոր մարզչի ժամանակավոր պաշտոնակատար Սարգիս Հովսեփյանը հրապարակեց հավաքականի կազմը, որը պատրաստվելու է առաջիկա Եվրո-2016-ի ընտրական փուլի հերթական հանդիպմանը Պորտուգալիայի հավաքականի հետ, հաղորդում է ՀՖՖ մամուլի ծառայությունը։

Խաղը տեղի կունենա հունիսի 13-ին Երևանի Հանրապետական մարզադաշտում։

Հավաքականի կազմում են`

դարպասապահներ Ռոման Բերեզովսկին (Մոսկվա, «Դինամո»), Գևորգ Կասպարովը («Միկա») և Արսեն Բեգլարյանը («Ուլիս»)։

Պաշտպաններն են Ռոբերտ Արզումանյանը («Ամկար», Ռուսաստան), Հրայր Մկոյանը («Էսթեղլալ», Իրան), Գաել Անդոնյանը («Օլիմպիկ», Ֆրանսիա), Լևոն Հայրապետյանը, Տարոն Ոսկանյանը, Վարազդատ Հարոյանը, Կամո Հովհաննիսյանը (բոլորը` «Փյունիկ»), Արթուր Ավագյանը («Գանձասար»)։

Կիսապաշտպաններն են Հենրիխ Մխիթարյանը («Բորուսիա», Գերմանիա), Գևորգ Ղազարյանը («Կերկիրա», Հունաստան), Մարկոս Պիզելլին («Ակտոբե», Ղազախստան), Արաս Օզբիլիսը («Սպարտակ», Ռուսաստան), Ռումյան Հովսեփյանը («Մետալուրգ», Ուկրաինա), Նորայր Ասլանյանը («Ալմերե Սիթի»), Արտյոմ Սիմոնյանը («Ցյուրիխ», Շվեյցարիա), Զավեն Բադոյանը, Կառլեն Մկրտչյանը, Արթուր Յուսպաշյանը (բոլորը` «Փյունիկ»)։

Հարձակվողներն են Յուրա Մովսիսյանը («Սպարտակ», Ռուսաստան), Արթուր Սարկիսովը («Վոլգա», Ռուսաստան), Ռուսլան Կորյանը («Լոկոմոտիվ», Ուզբեկստան), Արթուր Միրանյանը («Վարդար», Մակեդոնիա)։

Հայաստանի հավաքականը մեկ միավորով սերբերի հետ կիսում է խմբում վերջին տեղը։

Չորս հանդիպումներից հետո խմբում առաջատարներն են պորտուգալացիները` ինը միավորով, նրանց յոթական միավորով հաջորդում են Ալբանիայի (երեք խաղ) և Դանիայի հավաքականները։ -0-