Հայաստանի կանանց հավաքականը պարտության է մատնել լեհ շախմատիստուհիներին Չինաստանի ԱԱ 4–րդ տուրում

ԵՐԵՎԱՆ, 22 ապրիլի. /Նովոստի–Արմենիա/. Հայաստանի շախմատի կանանց հավաքականը չորեքշաբթի երկրորդ հաղթանակն է տարել` լեհական թիմին 2.5։1.5 հաշվով պարտության մատնելով Չինաստանում անցկացվող աշխարհի առաջնության չորրորդ տուրում։

Մյուս խաղերում ռուսները հաղթել են հնդիկներին (2,5-1,5), Վրաստանի թիմը հաղթանակ է տարել Ղազախստանի հավաքականի նկատմամբ (3-1)։ Նույն հաշվով Ուկրաինան պարտության է մատնել ամերիկյան հավաքականին, իսկ չինացիները չորս հաշվով` 4։0, ջախջախել են առաջնության աութսայդերներին` Եգիպտոսի թիմին։

Առաջնության առաջատարը Վրաստանն է (7 միավոր), այնուհետև մեկ միավորի տարբերությամբ` Ռուսաստանը, Չինաստանը, Ուկրաինան և Հայաստանն ունեն 5–ական միավոր, ԱՄՆ–ն` 4։ Յոթերորդ և ութերորդ տեղերը կիսում են Ղազախստանն ու Լեհաստանը (3–ական միավոր), այնուհետև Հնդկաստանն է` 2 միավորով։ Եգիպտացիները զրոյական արդյունք ունեն։

Հինգերորդ տուրում Հայաստանի հավաքականի հակառակորդ կլինի Ղազախստանի թիմը, ռուսները կխաղան եգիպտուհիների հետ, Վրաստանը կխաղա Ուկրաինայի հետ, ԱՄՆ–ն` Հնդկաստանի։

Կանանց շրջանում թիմային աշխարհի առաջնությունն անցկացվում է ապրիլի 18-29–ը  Չենդուում շրջանային համակարգով։ Թիմերի կազմում են չորս հիմնական խաղացող և մեկ պահեստային։ -0-