Չեռնոգորիային պարտություն է գրանցվել Ռուսաստանի հետ Եվրո–2016–ի ընտրական խաղում

ԵՐԵՎԱՆ, 8 ապրիլի. /Նովոստի–Արմենիա/. Չեռնոգորիայի ֆուտբոլի հավաքականին 0։3 հաշվով տեխնիկական պարտություն է գրանցվել Ռուսաստանի ազգային հավքականի հետ Եվրո–2016 ընտրական փուլում կայացած խաղում, հանդիպումը չի ավարտվել երկրպագուների վարքի պատճառով, հայտնում է Ռուսաստանի մամուլի ծառայությունը Twitter–ի իր միկրոբլոգում։

Մարտի 27–ին Պոդգորիցայում Չեռնոգորիայի և Ռուսաստանի հավաքականների միջև խաղը կանգնեցվել էր առաջին րոպեին, նրանից հետո, երբ տրիբունից նետած ֆայերը դիպել է Ռուսաստանի հավաքականի դարպասապահ Իգոր Ակինֆեևի պարանոցի հատվածին։ Դարպասապահին տարել են դաշտից պատգարակով։ Խաղը վերսկսվել է ավելի քան կես ժամ անց։ Երկրորդ խաղակեսում Ռոման Շիրոկովը տուգանային հարվածը չի կարողացել խփել, ինչից հետո տրիբունից Դմիտրի Կոմբարովի ուղղությամբ կրակայրիչ է թռել։ Գերմանացի մրցավար Դենիզ Այտեկինը որոշում է ընդունել դադարեցնել խաղը և թիմերը տարել է դաշտից։ Միաժամանակ, ֆուտբոլիստների միջև քաշքշուկ է ստեղծվել, իսկ չեռնոգորցի երկրպագուները ֆայերներ են վառել, հաղորդում է ՌԻԱ Նովոստին։ -0-