Արկադի Անդրեասյանը անցանկալի անձ չի հայտարարվի հայկական ֆուտբոլում. ՀՖՖ

Հայտնի ֆուտբոլիստ, Երևանի «Արարատ» ակումբի գլխավոր մարզիչ Արկադի Անդրեասյանը, անցանկալի անձանց ճանաչվի հայկական ֆուտբոլում, երկուշաբթի տեղեկացրեց ՀՖՖ-ի մամուլի ծառայությունը՝ ներկայացնելով ՀՖՖ գործադիր կոմիտեի նիստի արդյունքներով:

Հայաստանի առաջնության բարձրագույն լիգայի շրջանակներում ապրիլի 23-ին տեղի ունեցած «Արարատ»-«Փյունիկ» խաղի ընդմիջման ժամանակ 63-ամյա Անդրեասյանն իր սաների անհաջող խաղի պատճառով ջղայնությունը «թափել էրե Totalfootball.am ինտերնետ-կայքի ֆոտոթղթակից 19-ամյա Աշոտ Առուշանյանի վրա՝ հարվածելով նրան, իսկ Անդրեասյանին ուղեկցող անձինք ծեծի էին ենթարկել լրագրողին:

ՀՖՖ Կարգապահական կոմիտեի հերթական նիստի ընթացքում առաջարկվել է «Արկադի Անդրեասյանին թույլ տված խուլիգանական արարքի և սիստեմատիկաբար դրսևորած անպարկեշտ, անվայել վարքագծի և ոչ մարզական պահվածքի համար ճանաչել ֆուտբոլում անցանկալի անձ, ինչպես նաև որակազրկել տասը խաղի ընթացքում:

ՀՖՖ Գործկոմը մայիսի 23-ի հերթական նիստում քննարկեց ՀՖՖ Կարգապահական կոմիտեի առաջարկը և որոշում կայացրեց մերժել Ա. Անդրեասյանին անցանկալի անձ հայտարարելու առաջարկը` բավարար համարելով Կարգապահական կոմիտեի կողմից սահմանված պատժամիջոցը (զրկել ծառայողական պարտականությունները կատարելու իրավունքից 10 խաղով):

Արկադի Անդրեասյանը ծնվել է 1947 թվականին Բաքվում: Իր պրոֆեսիոնալ կարիերայի ընթացքում հանդես է եկել «Արարատ» թիմում: ԽՍՀՄ գավաթակիր (1973 և 1975 թվականների) է և չեմպիոն (1973):Մյունխենի օլիմպիական խաղերի մրցանակակիր (1972): Միջազգային կարգի սպորտի վարպետ, Հայկական ԽՍՀ վաստակավոր մարզիչ:--0-