Պաշտպանության բանակի ներկայացուցիչը նվաճել է ԼՂՀ շախմատի գավաթը

Լեռնային Ղարաբաղի Պաշտպանության բանակի ներկայացուցիչ Առնոլդ Մինասյանը համառ պայքարի արդյունքում ԼՂՀ շախմատի գավաթի հաղթողն է դարձել, Ստեփանակերտից հաղորդում է «Նովոստի-Արմենիա» գործակալության թղթակիցը։

Մրցախաղն անցկացվել է դեկտեմբերի 21-25-ը Ղարաբաղի մայրաքաղաքի Շախմատի կենտրոնական տանը։

Ղարաբաղցի 32 շախմատիստների թվում երկրորդ տեղը զբաղեցրեց Լեռնային Ղարաբաղի շախմատի վեցակի չեմպիոն Հովիկ Հայրապետյանը, իսկ երրորդ տեղին արժանացավ Արթուր Պետրոսյանը։

Հաղթողները ԼՂՀ կառավարությանն առընթեր սպորտի պետական կոմիտեի և ԼՂՀ շախմատի ազգային ֆեդերացիայի կողմից դրամական մրցանակներ ստացան։ -0-