ՖԻՖԱ-ի էթիկայի կոմիտեն կոռուպցիա է կասկածում Իսպանիայի, Պորտուգալիայի և Կատարի հայտերում

2018 և 2022 թվականներին անցկացվելիք Աշխարհի առաջնությանը համար հայտ ներկայացրած Իսպանիայի ու Պորտուգալիայի դիմումներն ու Կատարի հայտը կասկած են հարուցել ՖԻՖԱ-ի էթիկայի կոմիտեի մոտ՝ այդ կազմակերպության գործող կոմիտեի երկու ներկայացուցիչների կողմից իրենց ձայները վաճառելու փորձ կատարելու գործի հետաքննության պատճառով, հաղորդում է ՌԻԱ Նովոստին՝ հղում անելով Telegraph  բրիտանական թերթին։

Այս շաբաթվա սկզբին ՖԻՖԱ-ն հետաքննություն է սկսել The Sunday Times բրիտանական թերթի նյութից հետո, որի լրագրողները որպես ամերիկյան հայտ ներկայացնող կոմիտեի ներկայացուցիչներ Օկեանիայի Ֆուտբոլի Ֆեդերացիայի նախագահ թաիթցի Ռեյնալդ Թեմարիին և ՖԻՖԱ-ի գործող կոմիտեի անդամ նիգերիացի Ամոս Ադամին առաջարկել են վաճառել իրենց ձայները՝ ֆուտբոլային նախագծերի ֆինանսավորման դիմաց։ Ադամին տեսանկարահանել են գումար խնդրելու պահին, որն անմիջապես նրան պետք է փոխանցվեին։

Այն դեպքում, եթե Իսպանիայի-Պորտուգալիայի և Կատարի հայտ ներկայացրած կոմիտեների մեղքն ապացուցվի և նրանք ներգրավված լինեն կոռուպցիայի մեջ, ապա այդ երկրների հայտերը կբացառվեն աշխարհի առաջնությանն ընդունելու թեկնածուների ցուցակից, նշում է թերթը։

Չորեքշաբթի ՖԻՖԱ-ն ժամանակավոր՝ մինչև հետաքննության ավարտը, դադարեցրել է Թեմարիի և Ադամի լիազորությունները, ովքեր 2018 և 2022 թվականների աշխարհի առաջնության անցկացման հավակնող երկրներից մեկին աջակցելու համար ձայների վաճառքի հետ կապված սկանդալի մեջ են կասկածվում։

Հետաքննությունը կարող է մինչև 30 օր տևել, իսկ անհրաժեշտության դեպքում կարող են ևս 20 օրով երկարացնել, սակայն Telegraph-ի տվյալների համաձայն, դրա արդյունքները կհրապարակվեն նոյեմբերի 15-17-ն ընկած ժամանակահատվածում։

2018 կամ 2022 թվականների Ֆուտբոլի աշխարհի առաջնության անցկացման իրավունքի թեկնածուներն են Ռուսաստանը, Անգլիան, Ավստրիան, ԱՄՆ-ն, Պորտուգալիան և Իսպանիան (համատեղ), Բելգիան և Նիդեռլանդները (համատեղ)։ Ճապոնիան, Կատարը և Հարավային Կորեան հավակնում են միայն ԱԱ-2022-ին։

2018 և 2022 թվականների աշխարհի առաջնության կազմակերպիչ երկրների վերաբերյալ որոշումը ՖԻՖԱ-ն կներկայացնի դեկտեմբերի 2-ին Ցյուրիխի կենտրոնակայանում, որտեղ բոլոր հայտերի շնորհանդեսից հետո կհնչեցվեն ՖԻՖԱ-ի գործող կոմիտեի անդամների քվեարկության արդյունքները։ -0-