ԵՐԵՎԱՆ, 7 սեպտեմբերի./Նովոստի-Արմենիա/. 2007-ի սեպտեմբերի 12-ից 30-ը տեղի կունենա շախմատի աշխարհի առաջնությունը։
Ինչպես ուրբաթ տեղեկացրին «Նովոստի-Արմենիա» գործակալությանը հանրապետության Շախմատի ֆեդերացիայից, աշխարհի չեմպիոնի տիտղոսի համար պայքարելու են աշխարհի ութ լավագույն գրոսմայստերները, որոնց թվում է հայ շախմատիստ Լևոն Արոնյանը։
«Շախմատային թագի» համար պայքարում նրա մրցակիցներն են լինելու աշխարհի գործող բացարձակ չեմպիոն, ռուսաստանցի Վլադիմիր Կրամնիկը, նրա հայրենակիցներ Ալեքսանդր Մոռոզևիչը, Պյոտոր Սվիդլերը և Ալեքսանդր Գրիշչուկը, ինչպես նաև հնդիկ գրոսմայստեր Վիշվանաթան Անանդը, Պետեր Լեկոն՝ Հունգարիայից և Բորիս Գելֆանդն՝ Իսրայելից։
Շախմատի աշխարհի առաջնությունը կանցկացվի Մեխիկոյում երկու փուլով։ Առաջնության կազմկոմիտեն ղեկավարում է Խորխե Սագիանտեն, մրցանակային ֆոնդը կկազմի 1,3 մլն. ԱՄՆ դոլար։—0—
