Հայաստանը ափսոսում է ՈՒԵՖԱ-ի կողմից Եվրո-2008-ի շրջանակներում Ադրբեջանի հետ խաղի չեղյալ համարելը

ԵՐԵՎԱՆ, 7 օգոստոսի./Նովոստի-Արմենիա/. Հայաստանի ֆուտբոլի ֆեդերացիայի նախագահ Ռուբեն Հայրապետյանն իր ափսոսանքն է հայտնել, որ ՈՒԵՖԱ ղեկավարությունը չեղյալ է համարել Եվրո-2008 ընտրական փուլի շրջանակներում Հայաստանի և Ադրբեջանի միջև կայանալիք խաղը։

Ինչպես երեքշաբթի մամլո ասուլիսի ժամանակ հայտարարեց նա, հայկական կողմի համար խաղը չեղյալ համարելու որոշումն անսպասելի էր։

Հայրապետյանն ընդգծեց, որ Հայաստանը պատրաստ էր խաղալ Բաքվում և ադրբեջանական կողմին ընդունել Երևանում։ «Հայկական կողմից որևէ խնդիր չի եղել։ Մեր պետությունը պատրաստ էր արդրբեջանցի ֆուտբոլիստներին անվտանգության ցանկացած երաշխիք տրամադրել»,- ասաց նա։

Հայրապետյանի կարծիքով, խաղերը չեղյալ համարելուց հետո պաշտոնյաններն այսուհետ կանեն ամեն ինչ, որպեսզի մոտ ժամանակներում Հայաստանի և Ադրբեջանի հավաքականները չհայտնվեն նույն խմբում։

ՈՒԵՖԱ գործադիր հանձնաժողովը Նիդերլանդներում տեղի ունեցած իր հունիսի 23-ի նիստի ժամանակ որոշում է ընդունել Հայաստանի և Ադրբեջանի հավաքականների միջև Եվրո-2008 ընտրական փուլում խաղեր չանցկացնել։ ՈՒԵՖԱ որոշման համաձայն, Ա խմբում հանդես եկող երկու թիմերին էլ չեղյալ հայտարարված խաղերի համար միավորներ չեն գրանցվի։

Հայաստանի և Ադրբեջանի հավաքականների միջև խաղերը պետք է տեղի ունենային այս տարվա սեպտեմբերի 8-ին և 12-ին՝ Երևանում և Բաքվում։

Հայաստանը և Ադրբեջանը մտնում են Եվրո-2008 ընտրական փուլի «Ա» խմբի մեջ՝ Ֆինլանդիայի, Սերբիայի, Լեհաստանի, Պորտուգալիայի, Բելգիայի և Ղազախստանի թիմերի հետ ։

Հայկական կողմն իր պատրաստկամությունն էր հայտնել ադրբեջանական թիմի հետ խաղալու ինչպես Բաքվում, այնպես էլ Երևանում՝ միաժամանակ պետական մակարդակով անվտանգության երաշխիքներ տրամադրելով։

Ադրբեջանական կողմը, հակառակը, ցանկանում էր խաղերն անցկացնել չեզոք գոտում, պատճառաբանելով  Բաքվում  հայկական թիմի անվտանգությունն ապահովման անհնարինությունը ։--0—