ԵՐԵՎԱՆ, 29 դեկտեմբերի. /Նովսստի–Արմենիա/. Հայաստանի ֆուտբոլի հավաքականի և Դորտմունդի «Բորուսիայի» կիսապաշտպան Հենրիխ Մխիթարյանը հույս ունի, որ Հայաստանի հավաքականի նոր մարզիչ Վարուժան Սուքիասյանի աշխատանքը պտղաբեր և արդյունավետ կլինի։
«Ես արդեն աշխատել եմ Վարուժան Սուքիասյանի հետ, դա շատ տարիներ առաջ էր` 2007-2008 թվականներին, երբ նա գլխավորում էր Հայաստանի երիտասարդական հավաքականը։ Հույս ունեմ, որ նոր պաշտոնում մեր աշխատանքը նույնպես պտղաբեր և արդյունավետ կլինի։ Մենք պետք է օգնենք նրան, իսկ նա էլ իր հերթին կօգնի խաղացողներին»,– ասել է Մխիթարյանը «Նովոստի–Արմենիա» գործակալությանը տված
հարցազրույցում։
Նրա խոսքով, դեռ վաղ է խոսել 2018 թվականին Ռուսաստանում անցկացվելիք աշխարհի առաջնությունում հայկական թիմի` եզրափակիչ դուրս գալու մասին։
«Նախևառաջ, պետք է մտածել առաջիկա խաղերի մասին, և երբ սկսենք միավորներ վաստակել, այն ժամանակ էլ կմտածենք Ռուսաստան մեկնելու մասին»,– ավելացրեց Մխիթարյանը։
Դեկտեմբերին Հայաստանի ֆուտբոլի ֆեդերացիայի գործադիր կոմիտեն հայկական հավաքականի մարզիչ նշանակեց Երևանի «Արարատի» 59–ամյա մարզիչ Վարուժան Սուքիասյանին։ -0-
