ԵՐԵՎԱՆ, 4 օգոստոսի./Նովոստի–Արմենիա/. Երևանի «Ուրարտու» բասկետբոլային ակումբը 2016 թվականի հոկտեմբերից կմասնակցի Ռուսաստանի Սուպերլիգա-1-ի խաղարկությանը, հայտնում է
Հայաստանի ազգային օլիմպիական կոմիտեի լրատվության բաժինը։
Ակումբը հիմնականում բաղկացած է լինելու Հայաստանի հավաքականի խաղացողներից։
Ըստ նախնական տեղեկությունների` Ռուսաստանի Սուպերլիգա-1-ի 2016/17թթ. խաղարկությանը մասնակցելու են 13 ակումբներ: Բացի «Ուրարտուից», մնացած ակումբները լինելու են ռուսական: Առաջիկայում կհրապարակվի առաջնության խաղացանկը:
Առաջնությունը կմեկնարկի 2016 թվականի հոկտեմբերին և կավարտվի 2017 թվականի գարնանը:
Հայկական ակումբը սեփական հարկի տակ հանդիպումները կանցկացնի Երևանի «Միկա» մարզահամալիրում:
Այս տարվա հուլիսին Եվրոպայի փոքր երկրների առաջնությունում Հայաստանի հավաքականը հաջող ելույթից հետո որոշում կայացվեց հիմնադրել պրոֆեսիոնալ բասկետբոլային ակումբ, որը կմասնակցի կանոնավոր առաջնության: -0-
