Արոնյանը երկրորդ պարտությունը կրեց հավակնորդների շախմատային մրցաշարում

ԵՐԵՎԱՆ, 24 մարտի. /Նովոստի–Արմենիա/. Հայ գրոսմայստեր Լևոն Արոնյանը Շախմատի թագի հավակնորդների մրցաշարի տասնմեկերորդ տուրում պարտություն կրեց ռուս Պետեր Սվիդլերից։

Դրանով իսկ Արոնյանը գործնականորեն զրկվեց մրցաշարում հաղթելու հավանականությունից։

Արոնյանը խաղում էր սպիտակ խաղաքարերով։

Տուրի Վեսելին Տոպալով – Ֆաբիանո Կարուանա հանդիպումն ավարտվել է ոչ–ոքի։

Վիշվանաթան Անանդ (Հնդկաստան) – Սերգեյ Կարյակին (Ռուսաստան), Անիշ Գիրի (Հոլանդիա) – Խիկարու Նակամուրա (ԱՄՆ) հանդիպումները դեռևս շարունակվում են։

Հավակնորդների մրցաշարը բաղկացած է 14 տուրից, կունենա 4 հանգստյան օր և կեզրափակվի մարտի 30-ին: Հավակնորդների մրցաշարի մասնակիցների վիճակահանության արդյունքները հրապարակված են ՖԻԴԵ–ի կայքում։ Մրցաշարի հաղթողն իրավունք կստանա շախմատային թագի համար մրցել աշխարհի չեմպիոն, նորվեգացի Մագնուս Կառլսենի հետ։ Արոնյանը չորրորդ անգամ է մասնակցում Հավակնորդների մրցաշարին։ –0–