ԵՐԵՎԱՆ, 23 հունիսի./ Նովոստի–Արմենիա/. Հայաստանի ներկայացուցիչ Հարություն Հովհաննիսյանը (48 կգ) դարձել է Իտալիայի Ֆաենցա քաղաքում անցկացվող ազատ ոճի ըմբշամարտի Եվրոպայի պատանեկան առաջնության արծաթե մեդալակիր, հաղորդում է ՀԱՕԿ մամուլի ծառայությունը:
Загружается новость ... "Лево"
Ռուս (10:0), բելառուս (10:0) և ադրբեջանցի (3:2) ըմբիշների նկատմամբ հաղթանակներից հետո Հովհաննիսյանը դուրս է եկել եզրափակիչ, որտեղ 6:7 հաշվով պարտվել է մակեդոնացի Բեսիր Ալիլիին:
Հայկ Աբրահամյանը (55 կգ) բրոնզե մեդալի համար գոտեմարտում 6:8 հաշվով պարտվել է ադրբեջանցի մրցակցի:
Հունիսի 22-ին պայքարի մեջ մտած Գենիկ Ասատրյանը (60 կգ) և Լյովա Գևորգյանը (92 կգ) նվաճել են եզրափակիչի ուղեգիր:
Հունիսի 23-ին Գենիկ Ասատրյանը ոսկե մեդալը կվիճարկի ադրբեջանցի Սաբիր Ջաֆարովի հետ, իսկ Լյովա Գևորգյանի մրցակիցը կլինի ռուսաստանցի Իսլամ Կարտոեւը:
Մենուա Յարիբեկյանը (71 կգ) հունիսի 23-ին կանցկացնի սփոփիչ գոտեմարտ և հաղթանակի դեպքում կպայքարի բրոնզե մեդալի համար:
Ազատ ոճի ըմբշամարտի Հայաստանի պատանեկան հավաքականը Եվրոպայի առաջնությանը մասնակցում է 10 ըմբիշով:–0–
