Մեսսին հրաշքներ է գործում. «Ինտեր Մայամիի» Instagram–ի հետևորդների թիվը մի քանի րոպեում ավելացել է մոտ 4 անգամ

ԵՐԵՎԱՆ, 8 հունիսի./Նովոստի–Արմենիա/. MLS-ի «Ինտեր Մայամի» ակումբը Մեսսիի՝ ամերիկյան թիմին միանալու հայտարարությունից հետո 12 րոպե անց 1 միլիոն հետևորդ է հավաքել ակումբի Instagram-ում, հայտնում է armsport–ը` հղում անելով Sportskeeda-ին։

Նշենք, որ մինչ այդ հայտարարությունը ակումբի ինստագրամյան հետևորդների թիվը կազմում էր 1,2 միլիոն։


Նյութը հրապարակելու պահին այդ թիվը հասել է 4,5 միլիոնի և, հավանաբար, դեռ կշարունակի ավելանալ։

Հիշեցնենք, որ մինչ «Ինտերի» առաջարկն ընդունելը, «Ոսկե գնդակի» յոթակի դափնեկիրը մերժել էր «Բարսելոնայի» և Սաուդյան Արաբիայի «Ալ-Հիլալ» ակումբի առաջարկները, որը խոստացել էր խաղացողին վճարել 1,2 միլիարդ եվրո երկու տարվա ընթացքում:–0–