ԵՐԵՎԱՆ, 6 սեպտեմբերի./Նովոստի–Արմենիա/.Կատալոնական «Բարսելոնայի» առաջատար Լիոնել Մեսսին կորոնավիրուսի թեստ է հանձնել իր սեփական բնակարանում: Այս մասին տեղեկացնում է armsport–ը`հղում անելով Sport.es-ին:
Նշվում է, որ արգենտինացին կկարողանա մասնակցել վաղը կայանալիք մարզմանը, եթե նրա թեստի արդյունքները բացասական լինեն: Մեսսին բաց էր թողել սեպտեմբերի 5-ին նշանակված մարզումը:
Հիշեցնենք, որ Լեոն որոշում կայացրեց ևս մեկ մրցաշրջան անցկացնել կատալոնական ակումբում:
Հավելենք, որ 33-ամյա ֆուտբոլիստը հաջորդ մրցաշրջանում կարող է ազատ գործակալի կարգավիճակով հեռանալ «Բարսելոնայից»:–0–
